فوتو: Polisia.kz
جاس جۇبايلار استاناداعى ويىن-ساۋىق ورىندارىندا ەسٸرتكٸ تاراتقان, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
ەلوردالىق پوليتسەيلەر “قاراسورا – 2023” جەدەل-پروفيلاكتيكالىق ٸس-شاراسى اياسىندا ويىن-ساۋىق ورىندارىنا ەسٸرتكٸ جەتكٸزۋمەن اينالىسقان جاس جۇبايلاردى انىقتادى. استانا تۇرعىنىنا تيەسٸلٸ Mercedes-Benz اۆتوكٶلٸگٸن تٸنتۋ بارىسىندا سالماعى 200 گرامنان اساتىن مەفەدرون ەسٸرتكٸسٸ سالىنعان قاعاز قاپشىق, وراۋىش ىدىستار مەن ەسٸرتكٸ زاتتارىن قاپتاۋعا ارنالعان قۇرىلعىلار تەركٸلەنگەن.
ودان ەرٸ ەرلٸ-زايىپتىلاردىڭ بەكتۇروۆا كٶشەسٸندەگٸ تۇرعىلىقتى جەرٸن تٸنتۋ كەزٸندە اس ٷي شكافىنان سالماعى 350 گرامنان استام مەفەدرون ەسٸرتكٸسٸ بار سٶمكە تابىلعان.
"تەركٸلەنگەن سينتەتيكالىق مەفەدرون ەسٸرتكٸسٸنٸڭ جالپى سالماعى 558 گرامم نەمەسە شامامەن ەكٸ مىڭنان استام بٸر رەتتٸك دوزانى قۇرايدى. قازٸرگٸ ۋاقىتتا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
ەسٸرتكٸ ساتۋشىلاردىڭ بٸرٸ استانا قالاسى پوليتسييا دەپارتامەنتٸنٸڭ ۋاقىتشا ۇستاۋ يزولياتورىنا قامالدى" - دەلٸنگەن حابارلامادا.
ەلوردالىق پوليتسەيلەر جىل باسىنان 750 ەسٸرتكٸ قىلمىسىن انىقتاپ, سالماعى 262 كەلٸ بولاتىن ەسٸرتكٸ تەركٸلەگەن, ونىڭ ٸشٸندە 43 كەلٸ “سينتەتيكا” بولعان.
