Elordada osy aptada kórmeler, sahnalyq qoiylymdar, balalarǵa arnalǵan jańajyldyq ertegiler, hokkei oiyndary men ózge de mádeni-sporttyq sharalar ótedi, dep habarlaidy "Ult aqparat" ákimdik saityna silteme jasap.
Mine, ekinshi ai qatarynan el astanasynda Táýelsizdik saraiynyń tórinde QR eńbek sińirgen mádeniet qairatkeri Kámil Mýllashevtyń 75 jyldyǵyna arnalǵan kórme ashyldy. Ol 10 qańtarǵa deiin jalǵasatyn bolady.
Sondai-aq, sol jerde 13 jeltoqsan men 13 qańtar aralyǵynda elorda turǵyndary men qonaqtary «Dala órnekteri» kórmesin tamashalai alady.
30 jeltoqsanda «Jastar» saraiynyń shyǵarmashylyq ujymy balalardy jańajyldyq erteńgilikke shaqyrady.
Sondai-aq, 2-5 qańtar aralyǵynda Qýyrshaq teatrynda «Malefisentanyń muzdy júregi» spektakli kórsetiledi, al 3 jáne 4 qańtar kúnderi balaqailar M.Gorkii atyndaǵy Memlekettik akademiialyq orys drama teatry men Q. Qýanyshbaev atyndaǵy Memlekettik akademiialyq qazaq mýzykalyq drama teatrynda ótetin erteńgilikterge qatysa alady.
Jańajyl qarsańynda, atap aitsaq 30, 31 jeltoqsanda «Astana Ballet» teatry «Shaqyldaq» ertegisin kórermen nazaryna usynady.
Al sportsúier qaýym 30 jeltoqsan kúni saǵat 19:30-da «Barys arena» stadionynda ótetin «Barys» jáne «Kýnlýn RS» komandalary arasynda shaibaly hokkeiden jarysty tamashalai alady.
31 jeltoqsan kúni «Astana Opera» teatrynda «Romantique» kontserti ótedi. Al 2, 4 qańtarda Astanalyq tsirk «Jańa jyldyq Afrotsirk» baǵdarlamasyn usynady.
3 qańtarda «Qazaqstan» OKZ-da «Túrik hory» art-tobynyń kontserti ótedi. Sol kúnniń ertesine «Astana» kontsert zalynda «Walt Disney-men jańa jyldyq saiahat» úrmeli orkestriniń kontserti kórermenge jol tartady.
Sondai-aq, «Feeriia» balalar men jasóspirimder shyǵarmashylyǵynyń IX halyqaralyq kópjanrlyq baiqaý-festivali 5 qańtarda «Jastar»saraiynda bastalatyndyǵyn habarlaimyz.
Odan bólek, 5 qańtarda elordalyq basketbol komandasy «Enisei» basketbol komandasyn «Saryarqa» velotreginde qabyldaidy.
Sonymen qatar, turǵyndardyń yńǵaiy úshin qalanyń barlyq aýdandarynda muz qalashyqtary men tóbeshikter ornatylǵan.
«Baiqońyr» aýdany aýmaǵyndaǵy muz qalashyqtary men tóbeshikter «Jastar» saraiy, «Atatúrik» saiabaǵynyń janynda, «Óndiris» jáne «Kirpichnyi» turǵyn alaptarynda ornatyldy.
Esil aýdanynda jappai syrǵanaý men oiyndarǵa arnalǵan oryndar EKSPO, Botanikalyq baq, «Han Shatyr» SOSO, «Kerýen» SOSO, «Jetisý» saiabaǵy, «Jaǵalaý» shaǵyn aýdany, Jasyl oramda, «Prigorodnyi» men «Úrker» turǵyn alaptary aýmaǵynda bar.
Al Saryarqa aýdanynda muz syrǵanaq tóbeleri Esil ózeni mańynda, sondai-aq «Astana» SK, Qosshyǵululy kóshesindegi 17-úidiń janynda, «Tamyz» TK, «NAZ» teatry, Gertsen jáne Oqjetpes kósheleriniń qiylysynda, Gete 10-úidiń janynda jáne №187 kóshesiniń boiynda bar.
Almaty aýdanynda astanalyqtar «Qazaq eli» monýmenti aldyndaǵy alańda, «Jeruiyq» saiabaǵynda, Aqbulaq ózeniniń jaǵalaýynda, «Jastar» saiabaǵynda, Oqýshylar saraiynyń janynda, Prezidenttik saiabaqta, «Renessans» meiramhanasynyń janynda, Triatlon saiabaǵynda, «Saraishyq» shaǵyn aýdanynda, «Jeleznodorojnyi», «Internatsionalnyi» jáne «Michýrino» turǵyn alaptarynda muz aidyndary men tóbeshikterde ýaqytty kóńildi ári belsendi ótkize alady.
