ەلوردادا وسى اپتادا كٶرمەلەر, ساحنالىق قويىلىمدار, بالالارعا ارنالعان جاڭاجىلدىق ەرتەگٸلەر, حوككەي ويىندارى مەن ٶزگە دە مەدەني-سپورتتىق شارالار ٶتەدٸ, دەپ حابارلايدى "ۇلت اقپارات" ەكٸمدٸك سايتىنا سٸلتەمە جاساپ.
مٸنە, ەكٸنشٸ اي قاتارىنان ەل استاناسىندا تەۋەلسٸزدٸك سارايىنىڭ تٶرٸندە قر ەڭبەك سٸڭٸرگەن مەدەنيەت قايراتكەرٸ كەمٸل مۋللاشەۆتىڭ 75 جىلدىعىنا ارنالعان كٶرمە اشىلدى. ول 10 قاڭتارعا دەيٸن جالعاساتىن بولادى.
سونداي-اق, سول جەردە 13 جەلتوقسان مەن 13 قاڭتار ارالىعىندا ەلوردا تۇرعىندارى مەن قوناقتارى «دالا ٶرنەكتەرٸ» كٶرمەسٸن تاماشالاي الادى.
30 جەلتوقساندا «جاستار» سارايىنىڭ شىعارماشىلىق ۇجىمى بالالاردى جاڭاجىلدىق ەرتەڭگٸلٸككە شاقىرادى.
سونداي-اق, 2-5 قاڭتار ارالىعىندا قۋىرشاق تەاترىندا «مالەفيسەنتانىڭ مۇزدى جٷرەگٸ» سپەكتاكلٸ كٶرسەتٸلەدٸ, ال 3 جەنە 4 قاڭتار كٷندەرٸ بالاقايلار م.گوركيي اتىنداعى مەملەكەتتٸك اكادەمييالىق ورىس دراما تەاترى مەن ق. قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترىندا ٶتەتٸن ەرتەڭگٸلٸكتەرگە قاتىسا الادى.
جاڭاجىل قارساڭىندا, اتاپ ايتساق 30, 31 جەلتوقساندا «Astana Ballet» تەاترى «شاقىلداق» ەرتەگٸسٸن كٶرەرمەن نازارىنا ۇسىنادى.
ال سپورتسٷيەر قاۋىم 30 جەلتوقسان كٷنٸ ساعات 19:30-دا «بارىس ارەنا» ستاديونىندا ٶتەتٸن «بارىس» جەنە «كۋنلۋن رس» كوماندالارى اراسىندا شايبالى حوككەيدەن جارىستى تاماشالاي الادى.
31 جەلتوقسان كٷنٸ «استانا وپەرا» تەاترىندا «Romantique» كونتسەرتٸ ٶتەدٸ. ال 2, 4 قاڭتاردا استانالىق تسيرك «جاڭا جىلدىق افروتسيرك» باعدارلاماسىن ۇسىنادى.
3 قاڭتاردا «قازاقستان» وكز-دا «تٷرٸك حورى» ارت-توبىنىڭ كونتسەرتٸ ٶتەدٸ. سول كٷننٸڭ ەرتەسٸنە «استانا» كونتسەرت زالىندا «Walt Disney-مەن جاڭا جىلدىق ساياحات» ٷرمەلٸ وركەسترٸنٸڭ كونتسەرتٸ كٶرەرمەنگە جول تارتادى.
سونداي-اق, «فەەرييا» بالالار مەن جاسٶسپٸرٸمدەر شىعارماشىلىعىنىڭ IX حالىقارالىق كٶپجانرلىق بايقاۋ-فەستيۆالٸ 5 قاڭتاردا «جاستار»سارايىندا باستالاتىندىعىن حابارلايمىز.
ودان بٶلەك, 5 قاڭتاردا ەلوردالىق باسكەتبول كومانداسى «ەنيسەي» باسكەتبول كومانداسىن «سارىارقا» ۆەلوترەگٸندە قابىلدايدى.
سونىمەن قاتار, تۇرعىنداردىڭ ىڭعايى ٷشٸن قالانىڭ بارلىق اۋداندارىندا مۇز قالاشىقتارى مەن تٶبەشٸكتەر ورناتىلعان.
«بايقوڭىر» اۋدانى اۋماعىنداعى مۇز قالاشىقتارى مەن تٶبەشٸكتەر «جاستار» سارايى, «اتاتٷرٸك» ساياباعىنىڭ جانىندا, «ٶندٸرٸس» جەنە «كيرپيچنىي» تۇرعىن الاپتارىندا ورناتىلدى.
ەسٸل اۋدانىندا جاپپاي سىرعاناۋ مەن ويىندارعا ارنالعان ورىندار ەكسپو, بوتانيكالىق باق, «حان شاتىر» سوسو, «كەرۋەن» سوسو, «جەتٸسۋ» ساياباعى, «جاعالاۋ» شاعىن اۋدانى, جاسىل ورامدا, «پريگورودنىي» مەن «ٷركەر» تۇرعىن الاپتارى اۋماعىندا بار.
ال سارىارقا اۋدانىندا مۇز سىرعاناق تٶبەلەرٸ ەسٸل ٶزەنٸ ماڭىندا, سونداي-اق «استانا» سك, قوسشىعۇلۇلى كٶشەسٸندەگٸ 17-ٷيدٸڭ جانىندا, «تامىز» تك, «ناز» تەاترى, گەرتسەن جەنە وقجەتپەس كٶشەلەرٸنٸڭ قيىلىسىندا, گەتە 10-ٷيدٸڭ جانىندا جەنە №187 كٶشەسٸنٸڭ بويىندا بار.
الماتى اۋدانىندا استانالىقتار «قازاق ەلٸ» مونۋمەنتٸ الدىنداعى الاڭدا, «جەرۇيىق» ساياباعىندا, اقبۇلاق ٶزەنٸنٸڭ جاعالاۋىندا, «جاستار» ساياباعىندا, وقۋشىلار سارايىنىڭ جانىندا, پرەزيدەنتتٸك ساياباقتا, «رەنەسسانس» مەيرامحاناسىنىڭ جانىندا, ترياتلون ساياباعىندا, «سارايشىق» شاعىن اۋدانىندا, «جەلەزنودوروجنىي», «ينتەرناتسيونالنىي» جەنە «ميچۋرينو» تۇرعىن الاپتارىندا مۇز ايدىندارى مەن تٶبەشٸكتەردە ۋاقىتتى كٶڭٸلدٸ ەرٸ بەلسەندٸ ٶتكٸزە الادى.
