Jaqynda Nur-Sultanda 145 aýlalardy abattandyrý bastaldy, dep habarlaidy elorda ákimdiginiń resmi saity.
Qazaqstan astanasynda jaz kelisimen aýlalardy abattandyrý jumystary bastalady, iaǵni jańa oiyn alańdary paida bolyp, eskileri jańartylady. Trenajerlar, shaǵyn sáýlet formalary ornatylady. Elorda ákimdigi oiyn alańdarynyń qai aýdanda jáne qai jerlerge salynatyny, sondai-aq qandai abattandyrý jumystary júrgiziletinin habarlady.
ALMATY AÝDANY
Bul aýdanda 387 aýla bar. 2020 jyly 33 aýlanyń aýmaǵyn kórkeitý josparlanǵan. Qordai kóshesi №75 úi men K. Ázirbaev kóshesindegi № 10 úidiń aýlalary 2020 jyly abattandyrý jumystarynyń josparyna engizildi. Qosymsha shaǵyn sáýlet formalary men jattyǵý quraldaryn ornatý maýsym aiynda bastalady. Ainakól kóshesindegi №56, 56/1, sondai-aq R. Qoshqarbaev dańǵyly boiyndaǵy №45, 45/1 úilerdiń aýlalarynda keshendi kóriktendirý jumysy júrgizilip, kólik turaǵy, sporttyq jáne balalarǵa arnalǵan oiyn alańy salynady. Jóndeý jumystaryn maýsym aiynda bastaý josparlanǵan. Ǵ.Mustafin kóshesindegi №15/2 úidiń aýlasyndaǵy sport alańyna biyl aǵymdaǵy jóndeý júrgiziledi. Buǵan qosa, T.Júrgenov kóshesindegi №74 mekteptiń aýdanynda gúlzardyń qurylysy bastalyp, oǵan shaǵyn sáýlet formalaryn ornatyp, jaiaý júrginshilerge arnalǵan jol tósep, kógaldandyrý kózdelip otyr.
BAIQOŃYR AÝDANY
Biyl aýdandaǵy «Jastar» shaǵyn aýdany, Abai dańǵyly, A.Baraev, Omarov, Otyrar jáne t.b. kóshelerdiń boiyndaǵy 50 aýlany abattandyrý josparlanǵan. Jobaǵa sáikes balalarǵa arnalǵan eki oryndyq átkenshek, serippeli terbetkishter, qum salǵysh, sporttyq jattyǵý quraldary, shaǵyn sáýlet formalary ornatylady. Aýdan aýmaǵynda 235 aýla bar, búginde onyń 67-sin jańartý qajet. Aǵymdaǵy jyly 67 aýlanyń 50-in jóndeý kózdelip otyr.
ESIL AÝDANY
Aýdanda 399 aýla bar. Biyl 22-si abattandyrylyp, adamdar úshin qaýipsiz jáne sertifikattalǵan shaǵyn sáýlet formalary ornatylady. Qoǵamdyq keńistik aiasynda bir aýmaqta jáne 20 aýlada bir oiyn alańyn jabdyqtaý jospary bar.
SARYARQA AÝDANY
Bul aýdanda 540 aýla bar. 2020 jyly 40 aýlanyń aýmaǵyn kórkeitý josparlanǵan. Aýdanda barlyǵy 540 balalar alańy bolsa, onyń 10% jańartý qajet. Qazirgi kúni aýdandaǵy aýlalardy abattandyrý qyzmetin kórsetý boiynsha memlekettik satyp alýlar baiqaýyn ótkizýge daiyndyq júrgizilýde.
