Elordalyq kásiporyn basshysy is júzinde jumystar oryndalmai shot-faktýralardy jazyp bergen. Mundai áreketterden keltirilgen shyǵyn 173 mln teńgeden asady, dep habarlaidy "Ult aqparat" Nur-Sultan qalasynyń Ekonomikalyq tergeý departamentiniń baspasóz qyzmetine silteme jasap.
«Qazaqstan Respýblikasy Qarjy monitoringi agenttiginiń Nur-Sultan qalasy boiynsha Ekonomikalyq tergeý departamentiniń qyzmetkerleri 2018-2020 jyldar kezeńinde is júzinde jumystar oryndalmasa da shot-faktýralar jazyp bergen elordalyq kásiporynnyń basshysyn, sondai-aq basqa da tulǵalardy áshkereledi. Memleketke 173 mln teńgeden astam shyǵyn keltirildi», - delingen vedomstvo habarlamasynda.
Sotqa deiingi tergeý QK-niń 216-babynyń 3-tarmaǵy (Is júzinde jumystar oryndalmai, qyzmetter kórsetilmei, taýarlar tiep-jóneltilmei shot-faktýra jazý boiynsha áreketter jasaý) boiynsha kózdelgen qylmystyq quqyq buzýshylyq belgileri boiynsha júrgiziledi.
«QIJK-niń 201-babynyń talaptaryna sáikes sotqa deiingi tergep-tekserýdiń ózge de derekteri tergeý múddesine sáikes jariia etilmeidi», - dep túsindirdi departamentte.
