Elordada jalǵan PTR anyqtamalaryn satýdyń eki faktisi anyqtaldy, dep habarlaidy "Ult aqparat" Politsiia departamentine silteme jasap.
«Osy oqiǵaǵa qatysty politsiia qyzmetkerleri jeke meditsinalyq ortalyqtyń direktoryn ustady. Ol teris nátijeli PTR-test tapsyrǵany týraly jalǵan anyqtama satqan degen kúdikke ilingen. Ortalyq basshysy zańsyz qyzmet kórsetkeni úshin «klientterden» 6 myń teńgeden alyp otyrǵan. Qazirgi ýaqytta politsiia PTR anyqtamany zańsyz alǵan adamdardyń naqty sanyn anyqtap jatyr. Qajetti saraptamalar taǵaiyndaldy», - delinge habarlamada.
Sondai-aq, politsiia elden tys jerde júrgen QR azamaty 5500 teńgege teris nátijeli PTR anyqtamasyn elektrondyq nusqada daiyndap, satqanyn anyqtady. Anyqtamalardy Telegramm messendjeri arqyly jiberip otyrǵan. El aýmaǵyna kelgennen keiin kúdiktige qatysty qylmystyq zańnama sheńberinde sharalar qabyldanatyn bolady.
Qazirgi ýaqytta atalǵan faktiler boiynsha jalǵan qujattardy daiyndaý jáne ótkizgeni úshin QR QK 385-baby boiynsha qylmystyq is qozǵaldy.
Politsiia qyzmetkerleri elorda turǵyndaryna jalǵan anyqtamalar berý faktilerin anyqtaý boiynsha birqatar meditsinalyq ortalyqtarǵa, emhanalarǵa, vaktsina alý pýnktterine tekserý júrgizdi.
Esterińizge sala keteiik, jalǵan qujattardy daiyndaǵany nemese satqany úshin QR QK 385-babyna sáikes 4 jylǵa deiin bas bostandyǵynan aiyrý jazasy qarastyrylǵan.
