Astana qalasynyń ákimi Jeńis Qasymbektiń qatysýymen úlestik qurylys salasyndaǵy qabyldanǵan sharalar týraly zańdylyqty, quqyqtyq tártipti jáne qylmyskerlikke qarsy kúresti qamtamasyz etý jónindegi Úilestirý keńesiniń kezekti otyrysy ótti, dep habarlaidy ult.kz.
Azamattardyń qarajatyn zańsyz tartý jáne jańa problemaly nysandardyń paida bolý máseleleri áli de ózekti bolyp otyr.
Qurylys salýshylar brondaý, tsessiia, aldyn ala satyp alý-satý, investitsiialaý sharttaryn jasasý arqyly qoldanystaǵy talaptardy ainalyp ótý tetikterin paidalanýdy jalǵastyrýda.
Baqylaý júiesin jańǵyrtý maqsatynda zamanaýi tehnologiialyq sheshimderdi – jasandy intellekt pen spýtniktik monitoringti engizý máselesi talqylandy. Bul zańsyz qurylys nysandaryn jedel anyqtaýǵa jáne yqtimal táýekelderdi aldyn ala boljaýǵa múmkindik beredi.
Otyrys barysynda monitoring nátijeleri josyqsyz qurylys kompaniialaryna qatysty tekserý júrgizýge jáne tiisti sharalar qabyldaýǵa, onyń ishinde qylmystyq is qozǵaýǵa deiingi is-qimyldardy júzege asyrýǵa negiz bolatyn algoritm ázirlendi.
Sonymen qatar qoldanystaǵy zańnamaǵa birqatar ózgerister engizý jóninde usynystar ázirlendi, olardyń qatarynda ruqsat berý qujattarynsyz qurylys jumystaryn bastaǵany úshin jeke qylmystyq jaýaptylyq belgileý máseleside bar.
