Elordada «Han Shatyr» saýda, oiyn-saýyq ortalyǵyndaǵy koronavirýsqa qarsy azamattardy egý pýnkti jabylady. Bul týraly qala ákimdiginiń saitynda habarlandy.
Qoǵamdyq Densaýlyq saqtaý basqarmasynyń málimetinshe, vaktsinatsiia pýnkti óz qyzmetin osy jyldyń 1 qarashasynda aiaqtaidy.
«Jazda adamdardyń kóptep kelýi kezeńinde egý pýnkterin qalanyń 11 saýda keshenine ornalastyrdyq. Bul oń nátije berdi jáne biz vaktsinatsiiamen halyqty barynsha qamtydyq. Qazirgi ýaqytta vaktsinalaýǵa jatatyn halyqtyń basym bóligi egilgendikten, saýda keshenderi bazasynda egý pýnkterin uiymdastyrýdyń asa qajettiligi joq. Biraq mundai qajettilik paida bolǵan kezde biz árqashan pýnkterdi qaitadan ashýǵa daiynbyz», - dedi qalalyq Densaýlyq saqtaý basqarmasynda.
Aqparatqa sáikes, elordada búginge deiin saýda, oiyn-saýyq ortalyqtarynda, saýda úileri janyndaǵy vaktsinalaý aimaqtarynda 100 myńnan astam adam egildi.
Qalada ázirge 5 saýda núktesinde egý pýnkteri jumys istep tur - «Han Shatyr» SOO (1 qarashaǵa deiin), «Kerýen», «Abý Dabi Plaza», «Aziia Park» jáne «Evraziia» saýda úii.
Jalpy astanada vaktsinanyń birinshi komponentin 444 myńnan astam azamat aldy, 410 myńnan astam adam tolyq immýndaýdan ótti.
