ەلوردادا «حان شاتىر» ساۋدا, ويىن-ساۋىق ورتالىعىنداعى كوروناۆيرۋسقا قارسى ازاماتتاردى ەگۋ پۋنكتٸ جابىلادى. بۇل تۋرالى قالا ەكٸمدٸگٸنٸڭ سايتىندا حابارلاندى.
قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, ۆاكتسيناتسييا پۋنكتٸ ٶز قىزمەتٸن وسى جىلدىڭ 1 قاراشاسىندا اياقتايدى.
«جازدا ادامداردىڭ كٶپتەپ كەلۋٸ كەزەڭٸندە ەگۋ پۋنكتەرٸن قالانىڭ 11 ساۋدا كەشەنٸنە ورنالاستىردىق. بۇل وڭ نەتيجە بەردٸ جەنە بٸز ۆاكتسيناتسييامەن حالىقتى بارىنشا قامتىدىق. قازٸرگٸ ۋاقىتتا ۆاكتسينالاۋعا جاتاتىن حالىقتىڭ باسىم بٶلٸگٸ ەگٸلگەندٸكتەن, ساۋدا كەشەندەرٸ بازاسىندا ەگۋ پۋنكتەرٸن ۇيىمداستىرۋدىڭ اسا قاجەتتٸلٸگٸ جوق. بٸراق مۇنداي قاجەتتٸلٸك پايدا بولعان كەزدە بٸز ەرقاشان پۋنكتەردٸ قايتادان اشۋعا دايىنبىز», - دەدٸ قالالىق دەنساۋلىق ساقتاۋ باسقارماسىندا.
اقپاراتقا سەيكەس, ەلوردادا بٷگٸنگە دەيٸن ساۋدا, ويىن-ساۋىق ورتالىقتارىندا, ساۋدا ٷيلەرٸ جانىنداعى ۆاكتسينالاۋ ايماقتارىندا 100 مىڭنان استام ادام ەگٸلدٸ.
قالادا ەزٸرگە 5 ساۋدا نٷكتەسٸندە ەگۋ پۋنكتەرٸ جۇمىس ٸستەپ تۇر - «حان شاتىر» سوو (1 قاراشاعا دەيٸن), «كەرۋەن», «ابۋ دابي پلازا», «ازييا پارك» جەنە «ەۆرازييا» ساۋدا ٷيٸ.
جالپى استانادا ۆاكتسينانىڭ بٸرٸنشٸ كومپونەنتٸن 444 مىڭنان استام ازامات الدى, 410 مىڭنان استام ادام تولىق يممۋنداۋدان ٶتتٸ.
