Nur-Sultanda jalǵan vaktsinatsiia pasportyn jasaǵan úsh kúdikti ustaldy, - dep habarlaidy "Ult aqparat" qalalyq Politsiia departamenti baspasóz qyzmetine silteme jasap.
38 jáne 40 jastaǵy eki meditsina qyzmetkeri, sondai-aq kúdiktilerdiń biriniń 44 jastaǵy jubaiy qamaýǵa alynǵan. Politsiia málimetinshe, sońǵy úsh aidyń ishinde meditsina qyzmetkerleri vaktsinatsiia pasporttaryn is júzinde ekpe almaǵan adamdarǵa aqshalai ótemaqyǵa jasap bergen. Tólqujat alǵysy keletinderdi meditsina qyzmetkerleri tek dostarynyń usynysy boiynsha jáne aldyn ala tólem alǵannan keiin qabyldaǵan.
"Bul shemada kúdiktilerdiń biriniń 44 jastaǵy jubaiy klientterdi taýyp, keńes berip, qyzmetter úshin aqy alyp otyrǵan. Turǵyndar meditsinalyq mekemege habarlasqan kezde jalǵan vaktsinatsiia pasportyn alǵysy keletinin bildirý úshin qupiiasózdi aitqan", - dedi politsiia departamenti ókili.
