Elordada vaktsinatsiia alǵandar arasynda apta saiyn baǵaly syilyqtar oinatylady. Taǵy eki iPhone12 jáne basqa da baǵaly syilyqtardyń tórtinshi utys oiyny 31 shilde (senbi) kúni ákimdiktiń áleýmettik jelidegi (Facebook, YouTube) paraqshalarynda tikelei efirde ótedi, dep habarlaidy "Ult aqparat" qala ákimdigine silteme jasap.
Tórtinshi utys oiynyna 24 shilde men 30 shilde aralyǵynda vaktsinatsiialanǵandar qatysady. Bul utys oiynyna vaktsinatsiianyń barlyq pýnktteri qatysady: meditsinalyq mekemelerdegi, SOO/SÚ-degi. Utys oiynyna qatysý avtomatty túrde ótedi, qujat toltyryp, tirkelýdiń qajeti joq.
Endi 28 shildeden 6 tamyzǵa deiin (qosa alǵanda) vaktsinatsiialanǵandardyń arasynda taǵy úsh iPhone12 oinatylady. Atalǵan utys oiynyna «Ábý Dabi Plaza», «Kerýen», «Saryarqa» saýda oiyn-saýyq ortalyqtarynda jáne olarǵa bekitilgen BMSK uiymdarynda – №2, 9 jáne 14 qalalyq emhanalarda vaktsinatsiialanǵan adamdar qatysady. Bul utys oiynynyń tikelei efiri 7 tamyzda ótedi.
IPhone12 jáne basqa da qundy syilyqtardyń utys oiynyn ákimdik apta saiyn — jazdyń sońyna deiin ótkizedi.
Birge platformasynda utys oiynynyń jeńimpazdaryn anyqtaý úshin arnaiy randomaizer servisi ornatylǵan, ol júlde ielerin vaktsinatsiialanǵandardyń ID nómiri arqyly tańdaidy. Ony ázirleýge IT-qaýymdastyq ta qatysty. Vaktsinalanǵandar boiynsha servis QR Densaýlyq saqtaý ministrliginiń aqparattyq júiesimen biriktirilgen.
Aita keteiik, elordada azamattardy vaktsinatsiialaýǵa yntalandyrý úshin baǵaly syilyqtar oinatylady. Vaktsinatsiialanǵandar arasynda eki bólmeli páter de oinatylady. 25 maýsymy men 31 tamyzy aralyǵynda vaktsinanyń birinshi komponentin alǵan 18 jastan asqan qala turǵyndarynyń elordada jyljymaityn múlikti utyp alý múmkindigi bar. Bul utys oiynyna vaktsinatsiianyń barlyq pýnkti qatysady: meditsinalyq mekemeler, SOO-lar jáne saýda úileri.
Aita ketý kerek, utys oiyndary demeýshilerdiń kómegimen ótkiziledi.
Sondai-aq «MEGA Silk Way» SOO vaktsinatsiia pýnktinde birinshi komponentpen vaktsinalanǵandar arasynda kóliktiń utys oiyny ótetin habarlady.
Elordada ótkiziletin utys oiyndary azamattardy ekpe alýǵa yntalandyrý, osylaisha óz densaýlyǵyn da, jaqyn jáne ainalasyndaǵy adamdardyń densaýlyǵyn saqtaý úshin uiymdastyrylady. Sebebi, basty maqsat — ujymdyq immýnitetti damytý jáne karantinge deiingi rejimge oralý. Ujymdyq immýnitettiń úlesi 60%-dan asýy kerek.
