Nur-Sultan qalasynda úi qyzmetshisi páter qojaiynyn tonap ketken, dep habarlaidy "Ult aqparat" qalalyq politsiia departamentiniń baspasóz qyzmetine silteme jasap.
Politsiiaǵa páterinen qarajattyń urlanǵanyn habarlaǵan qala turǵyny aryz túsirgen.
Ol jaqynda ǵana úiinde jumys istegen qyzmetshi áielden kúdiktengen.
45 jastaǵy áiel aqpan aiynyń basynan bastap osy úide jumys istegen.
Bastapqyda jumys berýshiler tarapynan shaǵym bolmaǵan.
Aqpan aiynyń ortasynda ol úi ieleriniń úide bolmaǵan sátin paidalanyp, shkaftan aqsha urlaǵan.
Urlanǵan qarajat somasy - 300 myń teńge. Páter iesi aqshanyń joǵalǵanyn baiqaǵansha, áiel osy úide jumys istei bergen.
Politseiler urlyq jasady degen kúdikpen áieldi ustaǵan. Atalǵan fakti boiynsha qylmystyq is qozǵaldy.
Kúdikti kinásin moiyndady. Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.
Nur-Sultan qalasynyń politsiia departamenti azamattarǵa saq bolýǵa jáne beitanys adamdarǵa senbeýge keńes beredi.
