Elordada kúdikti turǵyn úidegi qymbat zattarmen qatar azyq-túlikti de «sypyryp» ketken. Bul týraly Nur-Sultan qalanyń Politsiia departamenti baspasóz qyzmetinen habarlady.
Baspasóz málimetterine qaraǵanda, elordadaǵy Jalyn kóshesin patrýldeý kezinde politseiler qolynda eki tony bar mas adamdy baiqap qalǵan. Ol turǵyn úiden urlyq jasaǵanyn moiyndady.
Tártip saqshylary 31 jastaǵy kúdiktiniń qulypty buzyp, úidiń úsh bólmesinen tońazytqyshtaǵy azyq-túlikke deiin barlyq zatty shyǵarǵanyn anyqtady. Urlanǵan múliktiń kóp ekenin jáne ony jalǵyz alyp kete almaitynyn túsingen er adam olardy kóshede qar astyna jasyrǵan. Sóitip ol kompiýter monitoryn, protsessor, pernetaqta, teledidar, tipti tamaqty da jasyryp úlgergen. Kúdikti qarakúzen men aq túlki terisinen jasalǵan tondardy ǵana ózimen birge alyp júrgen. Olardy jaqyn jerdegi lombardqa tapsyrmaq bolǵan, alaida ony politsiia ustap aldy.
Kúdikti urlyq jasaǵanyn moiyndady. Urlanǵan zattardy politsiia taýyp alyp, ielerine qaitaryp berdi.
Atalǵan fakti boiynsha QR QK 188-baby 3-bóligi («Urlyq») boiynsha sotqa deiingi tergeý júrgizilýde. Ustalǵan adamnyń elorda aýmaǵynda osyǵan uqsas buryn jasalǵan qylmystarǵa qatystylyǵy anyqtalýda.
