QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova elordada tis emhanasynda emdelip, shyqqannan keiin es-tússiz qalǵan qyz balanyń jaǵdai týraly aitty, dep habarlaidy QazAqparat.
«Qyz balanyń jaǵdaiy áli de aýyr. «Doktor Bro» klinikasyna júrgizilgen tekseris týraly ótken aptada aitylǵan edi. Oǵan meditsinalyq qyzmet kórsetý kezindegi buzýshylyqtar ataldy. Barlyq material quqyqtyq baǵa berý úshin Nur-Sultan qalasynyń Politsiia departamentine jiberildi. Ary qarai isti quqyq qorǵaý organdary sheshedi», - dedi Liýdmila Biýrabekova OKQ-da ótken baspasóz máslihatynda.
Eske sala ketsek, buǵan deiin QR Densaýlyq saqtaý ministri Eljan Birtanov elordanyń stamotologiialyq klinikalarynyń birinde tisin emdetkennen keiin es-tússiz qalǵan balanyń jaǵdaiyn óz baqylaýyna alǵan bolatyn.
Aita ketsek, elorda turǵyny Anastasiia Zelionaia «Astana, hochý pohvalit/pojalovatsia» Facebook tobynda eki jarym jastaǵy balasynyń stamotologiialyq klinikaǵa qaralǵannan keiin es-tússiz qalǵanyn jazǵan bolatyn. Bala eki aptadan beri esin jiia almai jatyr.
