قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى ليۋدميلا بيۋرابەكوۆا ەلوردادا تٸس ەمحاناسىندا ەمدەلٸپ, شىققاننان كەيٸن ەس-تٷسسٸز قالعان قىز بالانىڭ جاعداي تۋرالى ايتتى, دەپ حابارلايدى قازاقپارات.
«قىز بالانىڭ جاعدايى ەلٸ دە اۋىر. «دوكتور برو» كلينيكاسىنا جٷرگٸزٸلگەن تەكسەرٸس تۋرالى ٶتكەن اپتادا ايتىلعان ەدٸ. وعان مەديتسينالىق قىزمەت كٶرسەتۋ كەزٸندەگٸ بۇزۋشىلىقتار اتالدى. بارلىق ماتەريال قۇقىقتىق باعا بەرۋ ٷشٸن نۇر-سۇلتان قالاسىنىڭ پوليتسييا دەپارتامەنتٸنە جٸبەرٸلدٸ. ارى قاراي ٸستٸ قۇقىق قورعاۋ ورگاندارى شەشەدٸ», - دەدٸ ليۋدميلا بيۋرابەكوۆا وكق-دا ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن قر دەنساۋلىق ساقتاۋ مينيسترٸ ەلجان بٸرتانوۆ ەلوردانىڭ ستاموتولوگييالىق كلينيكالارىنىڭ بٸرٸندە تٸسٸن ەمدەتكەننەن كەيٸن ەس-تٷسسٸز قالعان بالانىڭ جاعدايىن ٶز باقىلاۋىنا العان بولاتىن.
ايتا كەتسەك, ەلوردا تۇرعىنى اناستاسييا زەليونايا «استانا, حوچۋ پوحۆاليت/پوجالوۆاتسيا» Facebook توبىندا ەكٸ جارىم جاستاعى بالاسىنىڭ ستاموتولوگييالىق كلينيكاعا قارالعاننان كەيٸن ەس-تٷسسٸز قالعانىن جازعان بولاتىن. بالا ەكٸ اپتادان بەرٸ ەسٸن جييا الماي جاتىر.
