Biyl Qazaqstan halqy Assambleiasyna mereili 25 jyl tolyp otyrǵany belgili. Osy aitýly merekege orai, «Rýhani jańǵyrý» baǵdarlamasyn júzege asyrý aiasynda Nur-Sultan qalasynda jyl saiynǵy «Til – dostyqtyń altyn kópiri» baiqaýy ótti, – dep habarlaidy «Ult aqparat».
Tildi úirenýdi yntalandyrý, etnomádeni birlestikterdiń ókilderi men jastaryn qazaqstandyq mádeniet pen shyǵarmashylyqqa tartý, sondai-aq, memlekettik tildiń mártebesi men mańyzyn nasihattaý maqsatynda uiymdastyrylǵan baiqaýǵa birneshe etnomádeni birlestik qatysty.
«Elbasynyń «qazaq eliniń patrioty bolý – qazaq elin óz júregińde uialatý» degen qanatty sózi bar. Memleket bar jerde til bolý kerek. Bul baiqaý «Rýhani jańǵyrý» baǵdarlamasyn júzege asyrý maqsatynda jyl saiyn ótkizilip keledi. Saiystyń negizgi maqsaty – memlekettik tildiń mártebesi men mańyzyn nasihattaý qazaq halqynyń mádenietin tanytý», – dedi Nur-Sultan qalasy Ishki saiasat basqarmasynyń basshysy Talǵat Rahmanberdi.
Atap aitqanda «Qazaqstan uiǵyrlary respýblikalyq etnomádeni ortalyǵy filialy» QB, «TAŃ» tatar-bashqurt etnomádeni ortalyǵy» QB, «Iýnchi» dúngen etnomádeni ortalyǵy» QB, «Jaihýn» qaraqalpaq etnomádeni birlestigi» QB, «Lad» respýblikalyq slavian qozǵalysynyń Astanalyq filialy» QB, «Vainah» sheshen-ingýsh etnomádeni ortalyǵy» QB siiaqty alty etnomádeni birlestikteri qatysty.
Baiqaý shartyna sai qatysýshylar qazaq halqynyń salt-dástúrlerinen kórinis, úi tapsyrmasyna berilgen «Qazaqstan halqy Assambleiasyndaǵy etnomádeni ortalyqtyń mańyzdylyǵy» nemese «Til - dostyqtyń kópiri» taqyryptarynda beinerolik kórsetý jáne uly aqyn ári oishyl Abai Qunanbaevtyń shyǵarmalaryn mánerlep oqý kezeńderi boiynsha baq synasty.
Atalǵan saiystyń birinshi kezeńinde qatysýshylar «Kórimdik berý», «Súiinshi suraý», «Shashý» syndy qazaqtyń salt-dástúrlerin jetik meńgergendigin kórsetti. Sahnada ózderin ustaýy, daýystary, obrazǵa enip oryndaýy siiaqty barlyq qyrlary esepke alynyp, baǵalandy. Al, ekinshi kezeńinde úi tapsyrmasyna berilgen «Qazaqstan halqy Assambleiasyndaǵy etnomádeni ortalyqtyń mańyzdylyǵy» nemese «Til - dostyqtyń kópiri» taqyryptaryndaǵy beinerolikter kórermender nazaryna usynyldy. Qazylar alqasy bul kezeńde etnomádeni birlestiktermen jaqyn tanysý múmkindigin aldy. Úshinshi kezeńde Abai atamyzdyń 175-jyldyǵyna orai aqynnyń óleńderin mánerlep oqydy. Qazaq tilinde qyǵan óleńderi men oryndaǵan úzindileri de áserli shyqty.
«Biz assambleia uiymdastyrǵan barlyq sharalarǵa belsene qatysamyz. Mundai sharalar etnostar arasyndaǵy dostyq pen jylylyqty, tatýlyqty nyǵaitady. Osy jolǵy baiqaýǵa qatysý barysynda qazaq salt-dástúrin tereńinen zerttedik», – deidi «Tań» tatar-bashqurt etnomádeni ortalyǵynyń múshesi Islambek Omarov.
Tartysqa toly baiqaýdyń nátijesi boiynsha 1-oryndy «Jaihýn» qaraqalpaq etnomádeni birlestigi, 2-oryndy «Iýnchi» dúngen etnomádeni ortalyǵy, al 3-oryndy Qazaqstan uiǵyrlary respýblikalyq etnomádeni ortalyǵynyń filialy ielendi.
Aita keteiik, ádil qazylar alqasy qatarynda QR ulttyq mýzeii arheologiia jáne etnografiia bóliminiń jetekshisi Musyrmanqul Perdehan, QR Memlekettik kúzet qyzmeti Prezidenttik orkestriniń jetekshi solisi Ásel Álibekova, QR eńbek sińirgen ártisi Gúlnar Saitova boldy.
Taǵylymdyq máni-bar is-sharaǵa qatysqan árbir qatysýshyǵa uiymdastyrýshylar atynan estelik syilyqtar tabystaldy.
Esterińizge sala keteiik, Elimizdiń ordasy Nur-Sultan qalasy Qazaqstan halqy Assambleiasynyń uiymdastyrýymen QHA 25 jyldyǵynyń aiasynda memlekettik tildi úirenýdi yntalandyrý, etnomádeni birlestikterdiń ókilderi men jastaryn qazaqstandyq mádeniet pen shyǵarmashylyqqa tartý, sondai-aq, memlekettik tildiń mártebesi men mańyzyn nasihattaýdy maqsat etken «Til – dostyqtyń altyn kópiri» baiqaýy ótti. Baiqaýǵa elordalyq QHA-nyń «Qazaqstan uiǵyrlary respýblikalyq etnomádeni ortalyǵy filialy» QB, «TAŃ» tatar-bashqurt etnomádeni ortalyǵy» QB, «Iýnchi» dúngen etnomádeni ortalyǵy» QB, «Jaihýn» qaraqalpaq etnomádeni birlestigi» QB, «Lad» respýblikalyq slavian qozǵalysynyń Astanalyq filialy» QB, «Vainah» sheshen-ingýsh etnomádeni ortalyǵy» QB siiaqty alty etnomádeni birlestikteri qatysty.
