Nur-Sultan qalasynyń birneshe qonaqúii ýaqytsha statsionar retinde jabdyqtalýy múmkin. Bul týraly Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qisyqova aitty, dep habarlaidy QazAqparat.
«Koronavirýs infektsiiasynyń aldyn alý jáne taralýyn eskertý maqsatynda epidemiiaǵa qarsy sharalardy engizý týraly sheshim qabyldanǵan bolatyn. Osyǵan bailanysty Nur-Sultan qalasynda jalpy 1051 tósektik statsionar ornalastyryldy. Aýrýhanalarda 44 reanimatsiialyq tósek pen 173 jasandy tynys aldyrý apparaty bar», - dedi basqarma basshysy qala ákimdiginde ótken onlain-brifingte.
Onyń aitýynsha, «Ramada Plaza» qonaqúi kesheninde (800 orynǵa arnalǵan) jóndeý jumystary aiaqtaldy.
«Búgin kereýet (500 dana) pen tósek-oryn jetkiziledi. Sondai-aq «Týrist» jáne «Alaý» qonaqúilerimen kelisimshart jasaý jumystary bastaldy», - dedi S. Qisyqova.
Buǵan deiin Sáýle Qisyqova 20 naýryz kúni koronavirýs infektsiiasy anyqtalǵan 3 naýqastyń jai-kúiin aityp berdi. Tórt ailyq nárestesi bar otbasy 19 naýryzda Parij-Minsk-Nur-Sultan reisinen túsirilip, aýrýhanaǵa jetkizilgen.
21 naýryzda saǵat 08.00-degi jaǵdai boiynsha elorda aýrýhanalarynda barlyǵy 645 adam jatyr, onyń 62-si - balalar.
Osy ýaqytqa deiin infektsiiany juqtyrǵan: Nur-Sultan qalasynda - 28 adam, Almaty qalasynda – 22 adam, Qaraǵandy qalasynda - 2, Taldyqorǵan qalasynda - 1 adam, jalpy 53 naýqastirkeldi.
