Qala ishinen 2,5 mln tekshe metr qar shyǵaryldy. Bul týraly Nur-Sultan qalasy ákimi Altai Kólginov halyqqa esep berý kezdesýinde aitty, dep habarlaidy "Ult aqparat".
«Birinshiden, shyn máninde qalada qar mólsheri óte kóp. Kommýnaldyq qyzmetke alǵys aitqym keledi. Olar kúni-túni sizder úshin jumys isteidi. Biyl ádettegiden 3,5 ese kóp qar tústi. 2,5 mln tekshe metr qardy shyǵardyq. Qazirgi ýaqytta joldar taza, endi úilerdiń aýlalary men jeke sektorlardy qardan tazalaimyz», - deidi Altai Kólginov.
Ol qazirgi ýaqytta tasqynǵa qarsy shtab qurylǵanyn aitty.
«Biz barlyq qyzmet túrin kúsheitip, qosymsha tehnikalardy aldyq. Qutqarý qyzmeti myńdaǵan adamdy qutqardy. Tipti áskeri qyzmetkerler men politsiia qyzmetkerleri qutqarý jumystaryna qosyldy. Endigi mindet – tasqyn bolýyna jol bermeý. Tasqyn bolý qaýpi bar. Osy qaýipti azaitý maqsatynda erteń áýejai jaqtaǵy dambyǵa baramyz. Jeke sektorlardaǵy qardy naýryz aiyna deiin shyǵarýymyz kerek», - deidi ol.
