قالا ٸشٸنەن 2,5 ملن تەكشە مەتر قار شىعارىلدى. بۇل تۋرالى نۇر-سۇلتان قالاسى ەكٸمٸ التاي كٶلگٸنوۆ حالىققا ەسەپ بەرۋ كەزدەسۋٸندە ايتتى, دەپ حابارلايدى "ۇلت اقپارات".
«بٸرٸنشٸدەن, شىن مەنٸندە قالادا قار مٶلشەرٸ ٶتە كٶپ. كوممۋنالدىق قىزمەتكە العىس ايتقىم كەلەدٸ. ولار كٷنٸ-تٷنٸ سٸزدەر ٷشٸن جۇمىس ٸستەيدٸ. بيىل ەدەتتەگٸدەن 3,5 ەسە كٶپ قار تٷستٸ. 2,5 ملن تەكشە مەتر قاردى شىعاردىق. قازٸرگٸ ۋاقىتتا جولدار تازا, ەندٸ ٷيلەردٸڭ اۋلالارى مەن جەكە سەكتورلاردى قاردان تازالايمىز», - دەيدٸ التاي كٶلگٸنوۆ.
ول قازٸرگٸ ۋاقىتتا تاسقىنعا قارسى شتاب قۇرىلعانىن ايتتى.
«بٸز بارلىق قىزمەت تٷرٸن كٷشەيتٸپ, قوسىمشا تەحنيكالاردى الدىق. قۇتقارۋ قىزمەتٸ مىڭداعان ادامدى قۇتقاردى. تٸپتٸ ەسكەري قىزمەتكەرلەر مەن پوليتسييا قىزمەتكەرلەرٸ قۇتقارۋ جۇمىستارىنا قوسىلدى. ەندٸگٸ مٸندەت – تاسقىن بولۋىنا جول بەرمەۋ. تاسقىن بولۋ قاۋپٸ بار. وسى قاۋٸپتٸ ازايتۋ ماقساتىندا ەرتەڭ ەۋەجاي جاقتاعى دامبىعا بارامىز. جەكە سەكتورلارداعى قاردى ناۋرىز ايىنا دەيٸن شىعارۋىمىز كەرەك», - دەيدٸ ول.
