Elordada kópqabatty úilerdiń terezesinen balalardyń qulap ketpeýiniń aldyn alý sharalary uiymdastyryldy. QR TJD qyzmetkerleri Nur-Sultan qalasyndaǵy turǵyn úilerge qaýipsizdik sharasyn saqtaý týraly aqparattyq kitapsha taratty, dep habarlaidy QazAqparat.
«Sońǵy kezderi kópqabatty úilerdiń terezesinen balalardyń qulaýy oryn alyp otyr. Sońǵy 3 jyldaǵy statistikaǵa qaraityn bolsaq, búgingi tańǵa deiin 46 bala terezeden qulasa, onyń 12-si kóz jumǵan», - deidi Nur-Sultan qalasy Tótenshe jaǵdailar departamentiniń bastyǵy Baýyrjan Syzdyqov.
Onyń aitýynsha, biyl 19 naýryz ben 8 mamyr aralyǵynda balalardyń 4 bala terezeden qulap ketken.
«Biyl balalardyń terezeden qulaý oqiǵasy tórt ret boldy. Onyń ishinde bireýi qaza boldy. Qalǵan úsh bala aýrýhaǵana jatqyzyldy. Nur-Sultan qalasy turǵyndary men qonaqtary terezede tejegishterdiń bolmaýyna nazar aýdarýy kerek. Balalardy qaraýsyz qaldyrýǵa bolmaidy. Qazir kópqabatty úilerdiń aýlalarynda aqparattandyrý júrgizip, áleýmettik jelilerde qaýipsizdik sharalaryn oryndaý týraly usynystar berildi. Osy týraly videorolikter daiyndap, qaýipsizdik sharalaryn saqtaý týraly aqparattyq kitapsha taratýdamyz. Biz elordadaǵy barlyq turǵyn úilerge baryp, túsindirý jumystaryn júrgizýdi josparlap otyrmyz», - deidi ol.
Sondai-aq, ol balalardyń terezege shyǵyp ketpeýi úshin qandai sharalardy qolǵa alý kerektigin aitty.
«Tereze aldyna oryndyq, divan siiaqty jihazdardy qoimaýǵa tyrysý kerek. Bala bul zattar arqyly terezege shyǵyp ketedi. Bala terezedegi moskit setkasyn ustap, sonymen qosa jerge qulap ketedi. Moskit setka balany qulap ketýden qorǵamaidy, sondyqtan terezege armatýradan jasalǵan tor ornatýǵa bolady.
