Sýret: Aqorda
Elordadaǵy Táýelsizdik saraiynda Qazaqstan tóraǵalyǵymen Shanhai yntymaqtastyq uiymynyń sammiti bastaldy.
Is-sharaǵa Qazaqstan, Iran, Qytai, Qyrǵyzstan, Pákistan, Resei, Tájikstan, Ózbekstan, Belarýs, Mońǵoliia, Ázerbaijan, Qatar, Túrkiia jáne Túrikmenstannyń Memleket pen Úkimet basshylary, BAÁ-den Ras ál-Haima ámirliginiń ámiri, Úndistannyń Syrtqy ister ministri, sondai-aq ShYU Bas hatshysy jáne ShYU Óńirlik terrorizmge qarsy qurylymynyń Atqarýshy direktory qatysyp jatyr.
Sammitke sonymen qatar BUU Bas hatshysy jáne TMD, EYU, AÓSShK, UQShU, EEK jáne AQIU siiaqty halyqaralyq uiymdardyń basshylary shaqyrylǵan.
ShYU sammiti alǵash ret «ShYU-ǵa múshe Memleket basshylary keńesiniń otyrysy» jáne «ShYU+» kezdesýi formatynda ótedi.
ShYU-ǵa múshe Memleket basshylary keńesiniń otyrysy barysynda Astana deklaratsiiasy, 20 sheshim, Memleket basshylarynyń 3 málimdemesi, onyń ishinde «Ádil beibitshilik, kelisim jáne damý úshin álemdik birlik týraly», «ShYU-ny jetildirý týraly» bastamasy qabyldanbaq. Belarýs Respýblikasyn ShYU músheligine qabyldaý rásimin aiaqtaý jáne oǵan Uiymǵa múshe memleket mártebesin berý týraly tarihi sheshim de búgin júzege aspaq.
Jalpy, Memleket basshylary Uiymnyń kópjosparly yntymaqtastyǵyn, onyń perspektivalaryn odan ári nyǵaitýǵa jáne ózekti halyqaralyq jáne óńirlik problemalardy sheshýge yqpal etetin kóptegen máseleni qarastyrady.
«ShYU+» kezdesýi «Ádil beibitshilik, kelisim jáne damý úshin álemdik birlik týraly» taqyrybynda keńeitilgen formatta ótedi.
