Elordada saýda, oiyn-saýyq ortalyǵynda áiel adam kóz jumdy, dep habarlaidy QazAqparat.
Bul aqparatty Nur-Sultan qalalyq Qoǵamdyq densaýlyq saqtaý basqarmasy rastap, oqiǵanyń 22 qarasha kúni bolǵanyn habarlady.
«22 qarasha kúni 103 pýltine MEGA Silk Way saýda, oiyn-saýyq ortalyǵynda áiel adamnyń es-tússiz jatqany týraly shuǵyl shaqyrtý tústi. Jedel járdem brigadasy kelgen kezde áielde tirshilik belgileri bolǵan joq.
Kýágerlerdiń aitýynsha, 1992 jyly dúniege kelgen áiel kenetten es-túsinen aiyrylyp, selkildei bastaǵan. Osydan keiin kýágerler saýda, oiyn-saýyq ortalyǵy meditsina pýnktiniń qyzmetkerlerin shaqyryp, olar reanimatsiia jasaǵan. Biraq, ol sátsiz boldy. Múrde politsiia qyzmetkerlerine berildi», - dep atap ótedi basqarmadan.
