Elordada politsiia qyzmetkerleri, ákimdik jáne Taýarlar men kórsetiletin qyzmetterdiń sapasy men qaýipsizdigin baqylaý basqarmasy ókilderinen qurylǵan top karantin rejimin buzýshylardy anyqtaý boiynsha jumysty jalǵastyrýda. Bul týraly Nur-Sultan qalasy politsiia basqarmasynyń baspasóz qyzmeti habarlady.
Osylaisha, Pýshkin kóshesinde ornalasqan «ZARA» túngi klýby tyiym salynǵanyna qaramastan saǵat túngi 00:41-de kelýshilerdi qabyldap jatty. Tekseris kezinde munda jinalǵan 100-den astam klienttiń áleýmettik qashyqtyq týraly umytyp, bi alańynda bilep, demalyp júrgeni anyqtaldy.
Sonymen birge, saǵat 01:00-de jastar kóńil kóterip júrgen taǵy bir mekeme anyqtalǵan. 150-ge jýyq kelýshi túngi ýaqytta «Tekila» barynda alańsyz ýaqyt ótkizdi. Mekeme qyzmetiniń buǵan deiin bir ailyq merzimge toqtatylǵanyna qaramastan, bul bar kelýshilerdi qabyldaýyn toqtatpaǵan.
Mekeme ielerine qatysty jinalǵan material QR Ákimshilik quqyqbuzýshylyqtar týraly kodeksiniń 425-baby boiynsha ákimshilik óndiristi qozǵaý úshin ókiletti organǵa jiberildi.
Jyl basynan beri karantin rejiminiń shekteý sharalary kezinde mobildik toptar 540 reidtik is-sharany ótkizip, sonyń barysynda 300-den astam buzýshylyqty anyqtady.
Nur-Sultan qalasynyń politsiia departamenti kásipkerlerdi karantin sharalaryn buzǵany úshin artylatyn jaýapkershilik týrly eskertip, sanitarlyq normalardy saqtaýǵa shaqyrady.
