Elordada toi ústinde tikelei efir júrgizgen adamdar karantindi buzǵany úshin jaýapqa tartyldy, dep habarlaidy "Ult aqparat" qalalyq Politsiia departamentiniń baspasóz qyzmetine silteme jasap.
Áleýmettik jelge monitoring júrgizý barysynda 1 tamyzda Baýyrjan Momyshuly dańǵylynda ornalasqan «Kakie liýdi» resto-bardyń karantin rejimin buzǵany anyqtaldy. Monitoringileý toby kelgen kezde aqparat rastaldy.
«Mekeme Bas sanitarlyq dárigerdiń qaýlysynda kórsetilgen senbi jáne jeksenbi kúnderi jumys jasaýǵa tyiym salýyna qaramastan, jumys istegen.
Resto-bardyń ishindegi kelýshiler kóńil kóterip, karaokemen án aitqan, sanitarlyq normalardy buzǵan. Sondai-aq, áleýmettik jelige shyǵyp, tikelei efir júrgizgen. Ústelder kelýshilerge ázirlengen», delingen habarlamada.
Mekeme iesine qatysty jinalǵan material QR ÁQBK 425-babymen ákimshilik jaýapqa tartý úshin ýákiletti organǵa joldanǵan.
Sanitarlyq – epidemiologiialyq baqylaý basqarmasy, ákimdik qyzmetkerlerinen, volonterlardan jáne politseilerden qurylǵan monitoringi toby karantin rejimin buzǵandardy anyqtaý úshin reid júrgizýdi jalǵastyrady.
Azamattar qoldanystaǵy qaýlyǵa qaramastan, osy ýaqytqa deiin oiyn-saýyq mekemelerine barýdan bas tartpai jatyr.
Mobildi toptar demalys kúnderi 155 kásipkerlik obektisin tekserip, 40 faktini anyqtady.
Qalalyq Politsiia departamenti kásipkerlerdi karantin sharalaryn buzǵany úshin jaýapqa tartylatynyn eskertedi jáne azamattardy kópshilik sharalarǵa barmaýǵa jáne otbasylyq toilardy ótkizýden bas tartýǵa, sondai-aq sanitarlyq normalardy saqtaýǵa shaqyrady.
