Nur-Sultan qalasynda Red Bus týristik avtobýstarymen ekskýrsiialar qaita jandandy, dep habarlaidy "Ult aqparat".
Elorda ákimdiginen málim etkendei, jolaýshylardyń qaýipsizdigin qamtamasyz etý maqsatynda árbir ainalymnan soń avtobýs ishi kvartstalyp, dezinfektsiialanady.
«Red Bus ekskýrsiialyq avtobýstary óz jumysyn bastaǵanyn qýana habarlaimyz! Biz aýdiogidimizdi jańartyp, qosymsha jańa baǵyt – Esil ózeniniń jaǵalaýyn qostyq», – delingen habarlamada.
Qaýipsizdik maqsatynda ár ainalym saiyn avtobýs kvartstalyp, arnaiy dezinfektsiia quraldarymen óńdeledi. Salonda qoldy tazartý úshin antiseptik ornatylǵan jáne ár adamǵa birrettik qulaqqaptar beriledi. Barlyq jolaýshylar ekskýrsiia barysynda avtobýs ishinde maska taǵyp otyrýy kerek.
Red Bus avtobýstary kún saiyn, demalyssyz qatynaidy. Jóneltý orny – «Esil ózeniniń jaǵalaýy» aialdamasy, 10:00, 12:50, 15:20 jáne 18:10.
Aialdamalar:
Esil ózeniniń jaǵalaýy «Han-Shatyr» SOO
«Máńgilik el» saltanat qaqpasy
«Nur-Álem» mýzeii
Ulttyq mýzei
«Báiterek» monýmenti
«Ailand» okeanariýmy
