Elordalyq politsiia qyzmetkerleri daýys zoraitqysh quraldar arqyly turǵyndarǵa karantindik saqtyq sharalary týraly eskertedi, dep habarlaidy "Ult aqparat" alalyq Politsiia departamentine silteme jasap.
Ishki ister organdarynyń qyzmetkerleri elimizdegi tótenshe jaǵdai men qaladaǵy karantinge bailanysty airyqsha rejimde qyzmet etýde. Qoǵamdyq tártip pen strategiialyq nysandardy qorǵaýdy kúsheitip, politsiia jasaqtarynyń sany kóbeitildi.
Sonymen birge, kóshelerdi patrýldeý jumystary jalǵasýda. Politsiia kólikteri daýys zoraitqyshtarymen jabdyqtalǵan jáne olardy halyq arasynda túsindirý jumystaryn júrgizý úshin paidalaný týraly sheshim qabyldandy.
Qazaq jáne orys tilderinde qaitalanatyn aýdiojazbalarda tómendegidei aqparat aitylady:
«Qurmetti elorda turǵyndary! Nur-Sultan qalasy aýmaǵynda koronavirýstyq infektsiia karantinine bailanysty barlyq turǵyndar kelesi shekteý sharalaryn saqtaýy kerek:
• Asa qajettilik bolmasa turǵyn úiden shyqpańyz.
• Adamdar kóp jinalatyn oryndarǵa – bankterge, dárihanalarǵa, dúken men meditsinalyq mekemelerge barǵanda, qoǵamdyq kólikke mingende betperde kiińiz.
• Túshkirý nemese jótelý kezinde muryn men aýyzdy bir rettik súlgimen jabyńyz.
• Qoldy sabynmen jýyńyz nemese spirttik antiseptik jaǵyńyz.
• Qoǵamdyq oryndarda eń kemi 1,5-2 metr qashyqtyqty saqtańyz.
• Qol almasyp amandaspańyz.
