Elordanyń qalalyq máslihat janyndaǵy qoǵamdyq keńes otyrysynda memleket qazynasy esebinen ótetin boks keshine qatysty syn aityldy, dep habarlaidy QazAqparat.
«Elordada ótetin 50 mln teńgeniń boks keshi týraly. Kásibi boks keshi ótedi eken. Kirý de aqyly shyǵar. Suraiyn degenim oǵan nege biýdjetten aqsha bólinýi tiis?», - dedi qoǵamdyq keńes múshesi Nurdáýlet Orazhanov.
Óz kezeginde Nur-Sultan qalasynyń Dene shynyqtyrý jáne sport basqarmasynyń bólim basshysy Gúlnaz Orazalina boks keshine qatysty túsinik berdi.
«Boks keshi boiynsha aldyn ala 120 mln teńgege ótinish berilgen. Qazirgi ýaqytta ol biýdjet 80 mln teńgege deiin qysqartyldy. Elordada sporttyq is-sharalardyń jetispeýshiligi baiqalady. Atalǵan boks keshi sportqa degen qyzyǵýshylyqty arttyra túsý maqsatynda ótkeli otyr. Sonymen qatar atalǵan sport túrin balalar men jasóspirimder arasynda nasihattaý mindeti de bar. Sondyqtan osyndai úlken sporttyq shara úshin bólinetin soma kóp dep aita almaimyz», - dep jaýap berdi Gúlnaz Orazalina.
