Elordadaǵy Táýelsizdik saraiynda Otbasylar forýmy ótip jatyr, dep habarlaidy QazAqparat tilshisi.
Nur-Sultan qalasynyń ákimdigi men «Atameken» ulttyq kásipkerlik palatasynyń uiymdastyrýymen, QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qoldaýymen ótip jatqan shara keshke deiin jalǵaspaq. Qatysýshylar kúni boiy birneshe sessiiaǵa bólinip, otbasy máselesine qatysty túrli taqyryptar boiynsha pikir almasady. Forým arqyly uiymdastyrýshylar turǵyn úi jaǵdaiyn jaqsartý, biznes qurý, otbasy qaýipsizdigin qamtamasyz etý, qiyn jaǵdaiǵa tap bolǵan kezde odan shyǵý máseleleri boiynsha memleket usynatyn múmkindikter týraly tolyqqandy aqparat berýdi kózdep otyr.
«Men ózim Abai kóshesinde turamyn. Mańaiymyzda kópbalaly otbasylar óte kóp. Solardyń kóbi otbasyn qoldaýǵa baǵyttalǵan baǵdarlamalar men jobalar týraly bile bermeidi. Halyqtyń basym bóligi endi ǵana bul máselege nazar aýdaryp, óz quqyqtaryn talap ete bastady. Búgingi forým arqyly da astanalyq januialar talai mańyzdy aqparatqa qanyǵady dep oilaimyn. Men QR Eńbek jáne halyqty áleýmettik qorǵaý ministrliginiń janynan qurylǵan jumys tobyna múshemin. Biyl osy jumys tobynyń usynysy boiynsha kópbalaly otbasylardyń balalaryna qosymsha 5 myń grant bólindi. Baspana kezeginde kópbalaly otbasylar jeke sanat bolyp endi. Jalpyǵa mindetti oqý qorynyń esebinen tegin ystyq tamaqpen, mektep formasymen, jazǵy lagermen qamtý isi jolǵa qoiylyp jatyr. Sonyń bári osyndai basqosýlarda aitylǵan usynystardan bastaý alyp jatady. Bul forýmǵa sol úshin keldik», - deidi kópbalaly ana Janbota Ómirtai.
