Búgin elordada Onkologiiadaǵy Dúniejúzilik kóshbasshylar sammitiniń jumysy bastaldy. Sharaǵa 70 elden 350 delegat qatysyp jatyr, dep habarlaidy QazAqparat.
Forým jumysyna Halyqaralyq obyrǵa qarsy odaq (UICC) prezidenti, joǵary mártebeli hanshaiym Dina Maired, Qazaqstan Densaýlyq saqtaý ministri Eljan Birtanov qatysýda.
Uiym málimetine qaraǵanda, obyr aýrýy júrek-qan tamyrlary dertterinen keiingi ólim-jitimniń ekinshi sebebi bolyp sanalady. Ótken jyly bul aýrý álem boiynsha 9,6 million adamnyń ómirin qidy. Dúniejúzi boiynsha 18 millionnan astam adamǵa obyr diagnozy qoiylǵan.
«Alaida qaterli isik emdelýshiler men olardyń otbasylaryn qarjylyq táýekelge ushyratyp qana qoimaidy, bul sondai-aq ulttyq ekonomikany baiaýlatady. Obyrdyń jyl saiynǵy ekonomikalyq quny 2010 jyly shamamen 1,16 trillion AQSh dollaryn quraǵan bolatyn», - delingen taratylǵan málimette.
Joǵaryda aitylǵandardy eskere otyryp, búkil álemde 2040 jylǵa qarai jylyna 30 million obyr aýrýyna shaldyǵýdyń jańa jaǵdaiy tirkeledi dep boljanýda. Osy oraida úkimetter obyrdyń sapaly aldyn alýǵa, óz azamattary úshin erte anyqtaý men basqarý jáne qarjylyq táýekelderden qorǵaý úshin obyrǵa qarsy kúres jónindegi qyzmetterdi qamtýy tiis. Bul turǵyda densaýlyq saqtaý qyzmetteri jalpyǵa birdei qamtýdy qamtamasyz etý jónindegi is-qimyldardy jedel keńeitýi qajet.
Aita keteiik, sammit jumysy 17 qazanǵa deiin jalǵasady. Bul sharaǵa densaýlyq saqtaý ministrleri, sala mamandary shaqyrtý aldy.
