Elordada nóser sýy aǵatyn jerasty jelisine káriz sýynyń qubyryn qosqandar anyqtaldy, dep habarlaidy "Ult aqparat" qala ákimdigine silteme jasap.
Arnaiy mamandar qalanyń nóser sýy aǵatyn jelige óndiristik, turmystyq qaldyqty tógý, káriz qubyryn qosyp qoiýdy anyqtap jatyr. Jeke úilerdiń, keńselerdiń jáne basqa ǵimarattardyń ieleri kóbine káriz sýyn, qoqysty nóserli sý júiesine aǵyzyp jiberedi. Osylaisha nóser men kárizdi tazartý qondyrǵysynyń jumysyn aýyrlatady. Zańsyz qosylý Ońtústik Shyǵys, Agroqalashyq, Kóktal turǵyn alaby, Artem bazarynyń aýmaǵynan jáne basqa da jeke sektorlardan anyqtalyp jatyr.
Reid barysynda 40 zań buzýshylyq derek anyqtaldy. «Han Shatyr» saýda oiyn-saýyq ortalyǵy men kóshe boiyndaǵy nóser kárizi jelisine kárizdi tógýdiń 2 jaǵdaiy tirkeldi. Hýsein ben Talal kóshesinde birneshe ret osyndai jaǵdai anyqtalǵan. Nátijesinde zań buzýshylar ákimshilik jaýapkershilikke tartylyp, jalpy somasy 220 myń teńgeden astam aiyppul salyndy.
Sarqyn sýdy, turmystyq qaldyqty, qurylys qaldyǵyn jáne basqa da qospa sýdy ruqsatsyz aǵyzý sorǵylardy bitep tastaidy. Nóser sýyn tazartý qondyrǵylarynyń arnaiy súzgileri tek jańbyr, qar sýy jáne jer asty sýyna arnalǵan. Olar turmystyq jáne káriz sýyn sorýǵa arnalmaǵan. «Elorda Eco System» kommýnaldyq kásipornymen birlesip reid turaqty júrgiziledi.
Jańbyr kezinde qala kóshelerin sý basyp qalmas úshin 3 iri nóser kárizderi men tazartý qondyrǵysy salynyp jatyr. Iri jobalardyń biri – Jastar shaǵyn aýdanynda tazartý qondyrǵysynyń qurylysy (J.Táshenov pen Amman kósheleriniń qiylysy). Bul J.Táshenov, Baraev, Sh.Ýálihanov, Sh.Imanbaeva kósheleri men Respýblika dańǵylyn sý basýdyń aldyn alady. Joba 2021 jyly tolyǵymen aiaqtalady.
Aldaǵy kúzde B.Momyshuly kóshesiniń problemalyq ýchaskede basty nóser káriz kollektorynyń qurylysy aiaqtalyp keledi (Daýylpaz kóshesinen Elim-ai kóshesine deiin).
Osy jyldyń sońyna deiin Telman turǵyn alabynda tazartý qondyrǵylary men basty kollektor salý boiynsha jumys aiaqtalady. Keshenge táýligine 36 myń tekshe metrden asatyn sýdy jinaidy. Jobany iske asyrý Telman turǵyn alabyn, № 27 kóshe boiyndaǵy perspektivti damý aimaǵy jáne t.b. jer ústine jinalǵan aǵyn sýdy jinaýǵa múmkindik beredi.
2019 jyly Myńjyldyq alleiasy aýdanyndaǵy eki ýchaskede nóser kárizin salý máselesi sheshildi.
