ەلوردادا نٶسەر سۋى اعاتىن جەراستى جەلٸسٸنە كەرٸز سۋىنىڭ قۇبىرىن قوسقاندار انىقتالدى, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
ارنايى ماماندار قالانىڭ نٶسەر سۋى اعاتىن جەلٸگە ٶندٸرٸستٸك, تۇرمىستىق قالدىقتى تٶگۋ, كەرٸز قۇبىرىن قوسىپ قويۋدى انىقتاپ جاتىر. جەكە ٷيلەردٸڭ, كەڭسەلەردٸڭ جەنە باسقا عيماراتتاردىڭ يەلەرٸ كٶبٸنە كەرٸز سۋىن, قوقىستى نٶسەرلٸ سۋ جٷيەسٸنە اعىزىپ جٸبەرەدٸ. وسىلايشا نٶسەر مەن كەرٸزدٸ تازارتۋ قوندىرعىسىنىڭ جۇمىسىن اۋىرلاتادى. زاڭسىز قوسىلۋ وڭتٷستٸك شىعىس, اگروقالاشىق, كٶكتال تۇرعىن الابى, ارتەم بازارىنىڭ اۋماعىنان جەنە باسقا دا جەكە سەكتورلاردان انىقتالىپ جاتىر.
رەيد بارىسىندا 40 زاڭ بۇزۋشىلىق دەرەك انىقتالدى. «حان شاتىر» ساۋدا ويىن-ساۋىق ورتالىعى مەن كٶشە بويىنداعى نٶسەر كەرٸزٸ جەلٸسٸنە كەرٸزدٸ تٶگۋدٸڭ 2 جاعدايى تٸركەلدٸ. حۋسەين بەن تالال كٶشەسٸندە بٸرنەشە رەت وسىنداي جاعداي انىقتالعان. نەتيجەسٸندە زاڭ بۇزۋشىلار ەكٸمشٸلٸك جاۋاپكەرشٸلٸككە تارتىلىپ, جالپى سوماسى 220 مىڭ تەڭگەدەن استام ايىپپۇل سالىندى.
سارقىن سۋدى, تۇرمىستىق قالدىقتى, قۇرىلىس قالدىعىن جەنە باسقا دا قوسپا سۋدى رۇقساتسىز اعىزۋ سورعىلاردى بٸتەپ تاستايدى. نٶسەر سۋىن تازارتۋ قوندىرعىلارىنىڭ ارنايى سٷزگٸلەرٸ تەك جاڭبىر, قار سۋى جەنە جەر استى سۋىنا ارنالعان. ولار تۇرمىستىق جەنە كەرٸز سۋىن سورۋعا ارنالماعان. «Elorda Eco System» كوممۋنالدىق كەسٸپورنىمەن بٸرلەسٸپ رەيد تۇراقتى جٷرگٸزٸلەدٸ.
جاڭبىر كەزٸندە قالا كٶشەلەرٸن سۋ باسىپ قالماس ٷشٸن 3 ٸرٸ نٶسەر كەرٸزدەرٸ مەن تازارتۋ قوندىرعىسى سالىنىپ جاتىر. ٸرٸ جوبالاردىڭ بٸرٸ – جاستار شاعىن اۋدانىندا تازارتۋ قوندىرعىسىنىڭ قۇرىلىسى (ج.تەشەنوۆ پەن اممان كٶشەلەرٸنٸڭ قيىلىسى). بۇل ج.تەشەنوۆ, باراەۆ, ش.ۋەليحانوۆ, ش.يمانباەۆا كٶشەلەرٸ مەن رەسپۋبليكا داڭعىلىن سۋ باسۋدىڭ الدىن الادى. جوبا 2021 جىلى تولىعىمەن اياقتالادى.
الداعى كٷزدە ب.مومىشۇلى كٶشەسٸنٸڭ پروبلەمالىق ۋچاسكەدە باستى نٶسەر كەرٸز كوللەكتورىنىڭ قۇرىلىسى اياقتالىپ كەلەدٸ (داۋىلپاز كٶشەسٸنەن ەلٸم-اي كٶشەسٸنە دەيٸن).
وسى جىلدىڭ سوڭىنا دەيٸن تەلمان تۇرعىن الابىندا تازارتۋ قوندىرعىلارى مەن باستى كوللەكتور سالۋ بويىنشا جۇمىس اياقتالادى. كەشەنگە تەۋلٸگٸنە 36 مىڭ تەكشە مەتردەن اساتىن سۋدى جينايدى. جوبانى ٸسكە اسىرۋ تەلمان تۇرعىن الابىن, № 27 كٶشە بويىنداعى پەرسپەكتيۆتٸ دامۋ ايماعى جەنە ت.ب. جەر ٷستٸنە جينالعان اعىن سۋدى جيناۋعا مٷمكٸندٸك بەرەدٸ.
2019 جىلى مىڭجىلدىق اللەياسى اۋدانىنداعى ەكٸ ۋچاسكەدە نٶسەر كەرٸزٸن سالۋ مەسەلەسٸ شەشٸلدٸ.
