Nur-Sultan qalasynyń máslihaty beibit jiyn ótkizý úshin aiqyndaǵan jalpyǵa ortaq oryndardy nemese júrý marshrýtyn belgiledi. Qujat Ashyq normativtik-quqyqtyq aktiler portalynda jariia talqyǵa usynyldy, dep habarlaidy "Ult aqparat".
Atalǵan qujatqa sáikes, elordada beibit jiyndar men sherý ótkizý úshin 4 arnaiy oryn usynylyp otyr.
Birinshisi - aýmaǵy 4 380 sharshy metrdi quraityn, 1000 adam siiatyn Sh.Qudaiberdiuly dańǵyly men A.Pýshkin kóshesi qiylysyndaǵy saiabaq.
Ekinshisi - myń adam syiatyn, aýmaǵy 2 064 sharshy metrdi quraityn «Astanalyq tsirk» janyndaǵy alań.
Úshinshisi - aýmaǵy 1 695 sharshy metr bolatyn Jeńis, Abai dańǵyly, T.Bigeldinov jáne Jeltoqsan kósheleri tórtburyshyndaǵy jazǵy alań. Bul jerge 500 adam erkin syiady.
Sherý ótkizýge arnalǵan tórtinshi baǵyttyń uzyndyǵy - 2055 metr. Baǵyt Abai dańǵyly men Sembinov kóshelerinen, Jazýshylar alleiasynan bastap, Qudaiberdiuly dańǵyly men A.Pýshkin kóshesine deiin jalǵasady.
Sherýge myń adamǵa deiin qatysa alady.
