Nur-Sultan qalasynda mektep oqýshylary, kolledj jáne JOO stýdentteri onlain oqýǵa kóshirildi. Bul týraly Nur-Sultan qalasynyń bas memlekettik sanitar dárigeri Sarhat Beisenova málim etti, dep habarlaidy QazAqparat.
«Bilim ortalyqtary, eresekter men balalarǵa arnalǵan úiirmeler, balalardy damytý ortalyqtarynyń qyzmeti onlain formatqa kóshirilsin. Memlekettik organ jáne ulttyq kompaniia qyzmetkerleriniń kem degende 80 paiyzy qashyqtan jumys isteýge kóshirilsin. Ujymnyń vaktsina alǵanyna qaramastan», - dedi Sarhat Beisenova qala ákimdiginde onlain ótken baspasóz máslihatynda.
Sondai-aq, bas sanitar dáriger mektep jáne joǵary oqý oryndarynyń jumysyna qatysty toqtalyp ótti.
«Mektep oqýshylary 31 qańtarǵa deiin qashyqtan oqytý júiesine kóshsin. Al kolledj jáne JOO stýdentteri 6 aqpanǵa deiin onlain oqý formatyna aýystyrylsyn. Sondai-aq, indettiń taralýyna jol bermei maqsatynda qaladaǵy qoǵamdyq kólik sanyn kóbeitilsin», - deidi ol.
