Elorda ákimdigi qalaǵa 350 myń meditsinalyq maska jetkizilgenin jariialady, dep habarlaidy "Ult aqparat".
Áitse de dárihanalar ár adamǵa bes maskadan satyp jatyr. Ákimdiktiń málimetine sáikes meditsinalyq maskalardy Salamat Z, Immýno pliýs, Staryi lekar, UDM - KZ, Feniks, Bazikova, Chastnaia Apteka 99, Farmakom, Gippokrat MFK Astana, Járdem kompaniia, Astana Onik, Alsýn Astana, Aidamed, Maksima farm, Isakova A.A, Orken farm, Stofarm, Evrofarma dárihanalar jelisinen tabýǵa bolady.
«Eń basty mindet – iri jelilerdi maskalarmen jáne antiseptiktermen qamtamasyz etý. 16 naýryz kúni maskalardyń kezekti partiiasy – 350 myń daansy jetkizildi. Sonymen qatar antiseptikter de ákelindi. Bul jumysty «Farmatsiia» ÁK-men birge júrgizemiz. Ókinishke qarai naryqtaǵy suranysty paidalanyp, keibireýler baǵany kótere bastady. Qazir birlikte jumylǵan jumysty kórsete bilýimiz kerek. Tek yntymaqta ǵana osy keseldi jeńe alamyz», - dedi elorda ákimi Altai Kólginov dárihanalar jelisiniń ókilderi men distribiýtermen kezdesken kezde.
Aita ketsek osydan eki kún buryn Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamentiniń basshysy Zeken Isakov elordadaǵy maska tapshylyǵy týraly aityp bergen bolatyn.
