Tártip saqshylary qoǵamdyq oryndarda meditsinalyq maska taǵý mindetti ekenin eskertedi, dep habarlaidy Nur-Sultan ákimdiginiń resmi saity.
Elordanyń bas memlekettik sanitarlyq dárigeriniń buiryǵyna sáikes, úiden shyqqanda meditsinalyq maska taǵý mindetti norma. Bul aýrýdyń aldyn alý úshin jasalady. Quqyq buzýshylarǵa 30 AEK nemese 79 530 teńge aiyppul salynady. «Birinshi kezekte politsiia aldyn alý jumystaryna kóńil bóledi. Adam kóp jerlerde, saiabaqtarda, skverlerde, qoǵamdyq kólikterde túsindirý jumystaryn júrgizip, azamattarǵa maska taǵýdy usynamyz. Eger adam kóp oryndarda maska taqpasa ákimshilik jaýapkershilikke tartylady. Birinshi kezekte biz tártip buzýshylarǵa qatysty aldyn alý sharalaryn qoldanamyz», - deidi qalalyq politsiia departamentiniń resmi ókili Daniiar Oralov. Sondyqtan, halyqtyń densaýlyǵyn saqtaý, koronavirýs infektsiiasynyń aldyn alý jáne boldyrmaý úshin azamattar meditsinalyq maska taǵýy kerek, deidi ol.
Óz kezeginde, elorda turǵyndary arasynda júrgizilgen blits-saýalnama kórsetkendei, respondentterdiń kópshiligi maska qorǵanys retinde qajet ekenine jáne ony jabyq ǵimarat ishinde kiiý kerek ekendigine senimdi. «Menińshe, syrtta maska taǵý qajet emes, óitkeni taza aýa odan da mańyzdy. Iá, jabyq ǵimarat ishinde áleýmettik qashyqtyq saqtaý, maska taǵý kerek, biraq kóshede mindetti emes», - deidi qala turǵyny. «Men jaǵalaýda, adam kóp emes jerde taza aýamen dem alý úshin maskany sheshemin. Mende virýs bolýy múmkin ǵoi, sondyqtan adamdar arasynda maska taǵyp júremin», - deidi taǵy bir elorda turǵyny.
Esterińizge sala keteiik, jabyq, qoǵamdyq oryndarda, halyqqa qyzmet kórsetý ortalyqtarynda, dúkender men dárihanalarda, meditsinalyq mekemelerde maska taǵý mindetti. «Maska taǵý COVID-19 infektsiiasynyń aldyn alý úshin óte mańyzdy. Maska taǵýdyń durys tártibin saqtaý kerek jáne ár eki saǵat saiyn aýystyrý qajet», - dep túsindiredi terapevt Aziza Aldanbaeva.
Eske salaiyq, Qazaqstanda karantin rejimi 17 tamyzǵa deiin uzartyldy.
