Nur-Sultanda mas júrgizýshini toqtatpaq bolǵan politsiia qyzmetkeri aýrýhanaǵa jetkizildi, dep habarlaidy QazAqparat.
2 jeltoqsan kúni saǵan 14.00 shamasynda Qoshqarbaev kóshesinde qyzmetin atqaryp júrgen qalalyq patrýl politsiiasy mamandandyrylǵan batalonynyń aǵa inspektory Arhat Raqyshev Howo mashinasyn baiqap, ony toqtatpaq bolady.
Óitkeni júk kóligi jolda apattyq jaǵdai týǵyzyp, jol erejesin óreskel buzyp kele jatqan edi.
Kóliktiń júrgizýshisi politseidiń eskertpesine qulaq aspai, qozǵalysyn jalǵastyrǵan.
Politsei jaǵdaidy túsinip, beton artqan avtomobildiń júrgizýshisi qalanyń qaq ortasynda azamattarǵa qaýip tóndirip otyrǵanyn, talapqa baǵynbaitynyn, bálkim saý emes ekenin baǵamdaǵan.
Sodan keiin ol kólikti toqtatýǵa tyrysqan. Ol radiostansa arqyly oqiǵa ornyn kórsetip, áriptesterinen kómek suraidy.
Sodan keiin kóliktiń kabinasyna sekirip minedi. Alaida júrgizýshi oǵan qarsylyq kórsetken. Saldarynan aǵa inspektor jol boiyna qulap ketedi.
Politseiler kóliktiń jolyn jaýyp, aqyry toqtatty, kúdikti ustaldy. Júrgizýshiden alkogoldiń iisi burqyrap turdy. Keiinnen saraptama onyń orta dárejede mas bolǵanyn kórsetti.
Qazir sotqa deiingi tergeý júrip jatyr. Kúdikti ýaqytsha izoliatorǵa qamaldy. Kólik kommýnaldyq turaqta tur.
29 jastaǵy politsiia kapitany Arhat Raqyshev aýyr halde aýrýhanaǵa jetkizildi. Dárigerler politseidiń ómiri úshin kúresip jatyr.
Ol 2015 jyldan beri ishki ister organdarynda jumys isteidi.
