نۇر-سۇلتاندا ماس جٷرگٸزۋشٸنٸ توقتاتپاق بولعان پوليتسييا قىزمەتكەرٸ اۋرۋحاناعا جەتكٸزٸلدٸ, دەپ حابارلايدى قازاقپارات.
2 جەلتوقسان كٷنٸ ساعان 14.00 شاماسىندا قوشقارباەۆ كٶشەسٸندە قىزمەتٸن اتقارىپ جٷرگەن قالالىق پاترۋل پوليتسيياسى مامانداندىرىلعان باتالونىنىڭ اعا ينسپەكتورى ارحات راقىشەۆ Howo ماشيناسىن بايقاپ, ونى توقتاتپاق بولادى.
ٶيتكەنٸ جٷك كٶلٸگٸ جولدا اپاتتىق جاعداي تۋعىزىپ, جول ەرەجەسٸن ٶرەسكەل بۇزىپ كەلە جاتقان ەدٸ.
كٶلٸكتٸڭ جٷرگٸزۋشٸسٸ پوليتسەيدٸڭ ەسكەرتپەسٸنە قۇلاق اسپاي, قوزعالىسىن جالعاستىرعان.
پوليتسەي جاعدايدى تٷسٸنٸپ, بەتون ارتقان اۆتوموبيلدٸڭ جٷرگٸزۋشٸسٸ قالانىڭ قاق ورتاسىندا ازاماتتارعا قاۋٸپ تٶندٸرٸپ وتىرعانىن, تالاپقا باعىنبايتىنىن, بەلكٸم ساۋ ەمەس ەكەنٸن باعامداعان.
سودان كەيٸن ول كٶلٸكتٸ توقتاتۋعا تىرىسقان. ول راديوستانسا ارقىلى وقيعا ورنىن كٶرسەتٸپ, ەرٸپتەستەرٸنەن كٶمەك سۇرايدى.
سودان كەيٸن كٶلٸكتٸڭ كابيناسىنا سەكٸرٸپ مٸنەدٸ. الايدا جٷرگٸزۋشٸ وعان قارسىلىق كٶرسەتكەن. سالدارىنان اعا ينسپەكتور جول بويىنا قۇلاپ كەتەدٸ.
پوليتسەيلەر كٶلٸكتٸڭ جولىن جاۋىپ, اقىرى توقتاتتى, كٷدٸكتٸ ۇستالدى. جٷرگٸزۋشٸدەن الكوگولدٸڭ يٸسٸ بۇرقىراپ تۇردى. كەيٸننەن ساراپتاما ونىڭ ورتا دەرەجەدە ماس بولعانىن كٶرسەتتٸ.
قازٸر سوتقا دەيٸنگٸ تەرگەۋ جٷرٸپ جاتىر. كٷدٸكتٸ ۋاقىتشا يزولياتورعا قامالدى. كٶلٸك كوممۋنالدىق تۇراقتا تۇر.
29 جاستاعى پوليتسييا كاپيتانى ارحات راقىشەۆ اۋىر حالدە اۋرۋحاناعا جەتكٸزٸلدٸ. دەرٸگەرلەر پوليتسەيدٸڭ ٶمٸرٸ ٷشٸن كٷرەسٸپ جاتىر.
ول 2015 جىلدان بەرٸ ٸشكٸ ٸستەر ورگاندارىندا جۇمىس ٸستەيدٸ.
