Nur-Sultan qalasynda LGBT-qaýymdastyǵy múshelerin májbúrlep jáne jappai tirkeý bastaldy. Áleýmettik jelide taraǵan osy aqparatqa qatysty Politsiia departamenti túsinik berdi, dep habarlaidy stopfake.kz saity.
Taraǵan aqparatqa sáikes, jynystyq azshylyq ókilderin «pedofiliia úshin qylmystyq jaýapkershilik týraly eskertilgeni týraly qolhat jazýǵa, jeke derekteri bar saýalnamany toltyrýǵa, sondai-aq saýsaq izderin tapsyrýǵa májbúrleidi» eken. Keibir jaǵdailarda tólqujattan basqa, ózimen birge taǵy eki «tólqujattyq» fotosýret bolýy kerek-mys.
«Maqalada kórsetilgen dálelder shyndyqqa sáikes kelmeidi. Rastalmaǵan málimetterdi qasaqana taratqan adamdar anyqtalyp, jaýapkershilikke tartyldy. Nur-Sultan qalasynyń Politsiia departamenti azamattardy resmi derekkózderge ǵana senýge shaqyrady jáne kórineý jalǵan aqparat taratqany úshin qylmystyq jaýapkershilik qarastyrylǵanyn eskertedi», – dep habarlady vedomstvodan.
Sondai-aq, «Kok Team» birlestiginiń paraqshasynda ózderin politsiia qyzmetkerleri retinde tanystyrǵan bopsalaýshylar men alaiaqtar osy shema boiynsha jumys isteitini jazylǵan.
«Eger sizge sýrette jazylǵandaǵydai sózder aitylsa (Qazaqstanda geilerdi tirkeý týraly – avt.), senbeńiz – bul aqsha bopsalaý joly. Sizge osyny aitqan adam – qylmysker (onyń ne jáne qalai aitqanyna bailanysty bopsalaý nemese alaiaqtyq bolyp tabylady). Eger olar qaita habarlasatyn bolsa, politsiiaǵa, prokýratýraǵa aryz beremin jáne quqyq qorǵaýshylardy habardar ettim (tipti olai bolmasa da) dep jaýap berińiz, – dep eskertedi belsendiler.
Qazaqstanda LGBT ókilderi zańmen qýdalanbaidy. Geilerdi mindetti túrde tirkeý týraly habarlama – jalǵan.
