2020 jyldyń 11 aiynda elorda aýmaǵynda tirkeletin qylmys sany 30 paiyzdan astam tómendedi. Bul týraly búgin Nur-Sultan qalalyq politsiia departamenti bastyǵynyń birinshi orynbasary Baqytjan Malybaev aitty, dep habarlaidy QazAqparat.
«11 aidyń qorytyndysynda qylmystardyń tirkelýi 30,8 paiyzǵa tómendep otyr. Aldyn alý jumystaryn júrgizýdiń nátijesinde qoǵamdyq oryndarda jasalatyn qylmys 52,9, kóshelerde 48,4, mas kúide jasalatyn qylmys 30,3 paiyzǵa azaidy. Toptyq qylmys 39 paiyzǵa tómendep, kámeletke tolmaǵandar tarapynan oryn alatyn qylmys 21 paiyzǵa kemidi. 10 myń adamǵa shaqqandaǵy qylmys deńgeii 34,3 paiyzǵa, 175-ten 115-ke qysqardy. Jol-kólik oqiǵalary 19 paiyzǵa tómendep, zardap shegýshiler sany 27, qaitys bolatyndar sany 21 paiyzǵa azaidy», - dedi Baqytjan Malybaev Nur-Sultan qalasy qoǵamdyq keńesiniń otyrysynda.
Onyń atap ótýinshe, jyl basynan beri elorda joldarynda 997 myń quqyq buzýshylyqtyń jolykesildi. 6,3 mlrd teńgege aiyppul salynyp, kóliginmas kúide basqarǵan 865 júrgizýshi ustaldy. 837 júrgizýshi kólik basqarý quqynan aiyryldy, 834 júrgizýshi ákimshilik qamaýǵa alyndy. Sonymen qatar 10 706 jaiaý júrginshige aiyppul salyndy. Qala boiynsha 1 mln 228 ákimshilik quqyq buzýshylyq anyqtaldy.
«Memleket basshysynyń tapsyrmasyn oryndaý aiasynda elordada «politsiia qadamdyq qoljetimdilikte« ustanymy engizilip jatyr», - dedi ol.
