2020 جىلدىڭ 11 ايىندا ەلوردا اۋماعىندا تٸركەلەتٸن قىلمىس سانى 30 پايىزدان استام تٶمەندەدٸ. بۇل تۋرالى بٷگٸن نۇر-سۇلتان قالالىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى باقىتجان مالىباەۆ ايتتى, دەپ حابارلايدى قازاقپارات.
«11 ايدىڭ قورىتىندىسىندا قىلمىستاردىڭ تٸركەلۋٸ 30,8 پايىزعا تٶمەندەپ وتىر. الدىن الۋ جۇمىستارىن جٷرگٸزۋدٸڭ نەتيجەسٸندە قوعامدىق ورىنداردا جاسالاتىن قىلمىس 52,9, كٶشەلەردە 48,4, ماس كٷيدە جاسالاتىن قىلمىس 30,3 پايىزعا ازايدى. توپتىق قىلمىس 39 پايىزعا تٶمەندەپ, كەمەلەتكە تولماعاندار تاراپىنان ورىن الاتىن قىلمىس 21 پايىزعا كەمٸدٸ. 10 مىڭ ادامعا شاققانداعى قىلمىس دەڭگەيٸ 34,3 پايىزعا, 175-تەن 115-كە قىسقاردى. جول-كٶلٸك وقيعالارى 19 پايىزعا تٶمەندەپ, زارداپ شەگۋشٸلەر سانى 27, قايتىس بولاتىندار سانى 21 پايىزعا ازايدى», - دەدٸ باقىتجان مالىباەۆ نۇر-سۇلتان قالاسى قوعامدىق كەڭەسٸنٸڭ وتىرىسىندا.
ونىڭ اتاپ ٶتۋٸنشە, جىل باسىنان بەرٸ ەلوردا جولدارىندا 997 مىڭ قۇقىق بۇزۋشىلىقتىڭ جولىكەسٸلدٸ. 6,3 ملرد تەڭگەگە ايىپپۇل سالىنىپ, كٶلٸگٸنماس كٷيدە باسقارعان 865 جٷرگٸزۋشٸ ۇستالدى. 837 جٷرگٸزۋشٸ كٶلٸك باسقارۋ قۇقىنان ايىرىلدى, 834 جٷرگٸزۋشٸ ەكٸمشٸلٸك قاماۋعا الىندى. سونىمەن قاتار 10 706 جاياۋ جٷرگٸنشٸگە ايىپپۇل سالىندى. قالا بويىنشا 1 ملن 228 ەكٸمشٸلٸك قۇقىق بۇزۋشىلىق انىقتالدى.
«مەملەكەت باسشىسىنىڭ تاپسىرماسىن ورىنداۋ اياسىندا ەلوردادا «پوليتسييا قادامدىق قولجەتٸمدٸلٸكتە« ۇستانىمى ەنگٸزٸلٸپ جاتىر», - دەدٸ ول.
