Karantin kezinde elordada qylmys kórsetkishi 34 paiyzǵa, jol-kólik oqiǵalary 76 paiyzǵa azaidy. Bul týraly Ortalyq kommýnikatsiialar qyzmetindegi brifingte Nur-Sultan qalalyq politsiia departamentiniń bastyǵy Erjan Sádenov aitty, dep habarlaidy "Ult aqparat".
«Politsiia departamenti tótenshe jaǵdai kezinde jumysyn jalǵastyrýda. Politsiia men áskerler birlesip, táýlik boiy patrýldeýde, azamattarmen aldyn alý jumystary júrgizilip jatyr. Planshetterge jaiaý júrginshiler men kólikterdiń úi-jumys qozǵalys baǵdarlary engizilýde»,- dedi ol.
Osy rette departament basshysy sizderge memlekettik komissiia sáýir aiynyń sońyna deiin karantin merzimin uzartý týraly sheshim qabyldaǵandyǵyn eske salyp ótti.
«Jalpy alǵanda karantin kezinde qylmys sany 34, aýyr, asa aýyr qylmystar 43 jáne tiisinshe 32 paiyzǵa tómendedi. Onyń ishinde urlyq, alaiaqtyq, buzaqylyq jáne basqa da qylmystar sany azaidy. Jol kólik oqiǵasynyń sany 76 paiyzǵa, zardap shekkender 72 paiyzǵa tómendedi. Jol qozǵalysy erejesin buzǵandar 67 paiyzǵa kemidi», - dedi Erjan Sádenov.
