Qurylys jáne olardyń merdiger kompaniialary sanitarlyq normany kúsheite otyryp, shtattyq rejimde jumys istei beredi. Bul týraly Ortalyq kommýnikatsiialar qyzmetinde ótken baspasóz konferentsiiasynda aityldy, dep habarlaidy QazAqparat.
«Sanitarlyq epidemiiaǵa qarsy keńeitilgen is-sharalar kesheni iske asyrylýda. Aialdamalar, qoǵamdyq kólikter, kóshe boilary jáne ózge de áleýmettik mańyzy bar nysandardy sanitarlyq retteý jáne dizenfektsiialaý jumystary uiymdastyrylýda. Azyq-túlik satatyn saýda jelileri men dúkenderdiń úzdiksiz qyzmet etý múmkindigi qamtamasyz etilýde. Qoǵamdyq tamaqtaný oryndarynda onlain tapsyrys berý júiesi uiymdastyryldy. Biznes ortalyqtary, stomatologiia, shashtaraz jáne basqa halyqqa jekelei qyzmet kórsetý oryndary tańǵy saǵat 10:00-den keshki saǵat 17:00-ge deiin jumys isteý rejimine kóshe alady», - deidi Nur-Sultan qalasy ákiminiń orynbasary Baqtiiar Máken.
Ol azamattardy shyndyqqa janaspaityn málimetter taratý jáne arandatýǵa jol bermeýge shaqyrdy.
«Qurylys jáne olardyń merdiger kompaniialary sanitarlyq normany kúsheite otyryp, shtattyq rejimde jumysyn jalǵastyra beredi. Tulǵalar jáne zańdy tulǵalar shekteý sharalaryn, sonyń ishinde karantindik rejimde oryndaýǵa mindetti. Taǵy bir aita keterligi, memlekettik mekemeler jariialaǵan resmi derekter men aqparattarǵa ǵana senińizder», - deidi ol.
