Koronavirýs infektsiiasynyń keń aýqymda taralýyna jol bermeý maqsatynda elordada kún saiyn dezinfektsiialyq jumystar júrgizilip jatyr. Ásirese áleýmettik nysandarǵa, bazarlar men sýpermarketterge, jaiaý júrginshiler joly men balalar alańyna, podezderge basa mán berilýde, dep habarlaidy QazAqparat.
Qazirgi tańda astanada kúnine 450 adam dezinfektsiialyq jumystardy júrgizip, qaýipsizdik sharalaryn qabyldap jatyr. Qalalyq qyzmetpen birge iske Qarýly kúshterdiń biologiialyq qorǵaý bólimsheleri de tartylǵan.
«Tań atpastan shyǵyp, aýlaishilik aýmaqtardy, podezder men balalar alańyn tazartamyz. Ásirese adam kóp jinalatyn aýmaqqa basa mańyz beriledi. Preparat tiimdi. Halyqty infektsiiadan barynsha saqtanýǵa shaqyramyz. Aldyn alý jumystarynyń bárin ustaný kerek. Dezinfektordyń jumysy kúrdeli. Bári de arnaiy kiim kiip, aýyr apparatýralardy kóterip júredi. Ol apparatýrany qaita-qaita toltyryp turý kerek. Bizdiń eń basty mindetimiz – aýmaqty barynsha tazalaý», - deidi dezinfektor Qýanysh Tankeev.
Aita ketsek 30 naýryzdan bastap qalada sanitarlyq tazalaý men dezinfektsiialaý jumystary kúsheitiledi. Bankterdiń ishinde de atalmysh jumys keńinen júrgizilmek. Osy sebepti dezinfektorlar bank qyzmetkerleri men klientterine maska men qolǵap kiiýdi eskertedi.
Al bankter óz tarapynan klientterge barynsha qashyqtaǵy onlain-banking arqyly jumys júrgizý mańyzdy ekenin eskertýde.
