Elordadaǵy Kerei-Jánibek jáne Máńgilik El kósheleriniń qiylysynda bi bilep, Instagram-da qyzý talqylanǵan boijetkenmen politsiia ókilderi túsindirý jumysyn júrgizdi, dep habarlaidy "Ult aqparat".
Nur-Sultan qalasy politsiia departamentiniń baspaóz qyzmetiniń habarlaýynsha, «102» arnasyna bul oqiǵa týraly habar keshki saǵat 21.03-te túsken.
«5 tamyz kúni saǵat 21.03-te «102» arnasyna Kerei-Jánibek jáne Máńgilik El kósheleriniń qiylysynda beitanys qyzdyń úsh saǵattan beri bilep jatqany týraly habarlama kelip tústi. Oqiǵa ornyna kelgen politsiia qyzmetkerleri qyzdyń kim ekenin anyqtap, profilaktikalyq áńgime júrgizdi», - dep jazady departamenttiń baspasóz qyzmeti.
Instagram-daǵy videolardan boijetkenniń óz áreketin «eshbir zańǵa qaishy emes» dep esepteitinin kórýge bolady.
Degenmen politsiia bul joldaǵy kólik júrgizýshilerdiń nazaryn aýdarý arqyly apat jaǵdaiyn týǵyzýy yqtimal degen ustanymda.
«Nur-Sultan qalasynyń politsiia departamenti jol-kólik oqiǵalaryn boldyrmaý úshin júrgizýshilerdiń nazaryn aýdarmaý kerektigin eskertedi», - dep jazylǵan resmi málimette.
