Nur-Sultan qalasynda balalar arasynda koronavirýs indetiniń taraýy naýryz aiynan beri 5 esege artqan.
Bul týraly qalalyq sanitarlyq-epidemiologiialyq baqylaý departamentiniń basshysy Sarqyt Beisenova málim etti, dep habarlaidy QazAqparat.
«Shilde de koronavirýs dertine shaldyǵýdyń 38 046 jaǵdaiy tirkeldi. Sońǵy apta ishinde 9803 jáne sońǵy táýlik ishinde 1153 jaǵdai tirkelip otyr. Sońǵy ýaqytta klinikalyq belgileri bar syrqattanýshylar sanynyń óskeni baiqalady, búginde olar 83 paiyzdy qurap otyr», - dedi Sarqyt Beisenova OKQ-de onlain ótken baspasóz máslihatynda.
Sondai-aq, maman elorda boiynsha aýrýǵa shaldyqqandardyń jas ereksheligin paiyzben kórsetti.
«18-29 jas - 16,4 %, 30-39 jas- 22,2 %, 40-59 jas – 28,4 %, 60 jáne odan joǵary jastaǵylar 13%-dy quraidy. Sonymen qatar balalardyń úlesi 16,7 % jáne 3,3 % jasóspirim. 14 jasqa deiingi balalar arasynda virýs juqtyrýǵa qatysty taldaý nátijesi naýryz aiynan beri elordada balalar arasynda koronavirýs juqtyrýdyń 5,5 esege óskenin kórsetip otyr. Iaǵni naýryz aiynda balalar arasynda 1106 jaǵdai tirkelse, shilde de 6058 jaǵdai tirkelip otyr jáne virýs juqtyrý barlyq jastaǵy balalar arasynda bar. Aýrýhanada em alyp jatqan balalar 1,9 %-dy qurap otyr», - deidi ol.
