Elordada jeltoqsan aiynyń toǵyz kúninde 558 adam koronavirýs juqtyrǵan.
Bul týraly Antikor.live jobasynda Nur-Sultan qalasynyń Qoǵamdyq densaýlyq saqtaý basqarmasy basshysy Timýr Muratov aitty, dep habarlaidy "Ult aqparat".
«Qazirgi tańda qaladaǵy epidemiologiialyq jaǵdai salystyrmaly túrde alǵanda turaqty. Degenmen infektsiia juqtyrǵan naýqas sany kún saiyn artyp keledi. Jeltoqsan aiynda táýligine koronavirýs juqtyrýdyń 70 jańa jaǵdaiy tirkelip otyr. Infektsiialyq statsionarlarda 174 naýqas koronavirýstan emdelip jatyr. 18 adam karantindik statsionarda emdelýde. Jalpy alǵanda 192 adam em alýda», - deidi Nur-Sultan qalasynyń Qoǵamdyq densaýlyq saqtaý basqarmasy basshysy Timýr Muratov.
Onyń aitýynsha, biyl jeltoqsan aiynyń toǵyz kúninde 558 jańa koronavirýs infektsiia tirkelip otyr.
«Paiyzben salystyryp qarasaq, statsionarlarda koronavirýspen aýyryp jatqandar sany azaidy. Koronavirýstyń alǵashqy tolqyny kezinde biraz qiynshylyqqa tap bolyp, naýqastardy emdeýge múmkindigimiz bolmai qalǵan edi. Ekinshi tolqynǵa daiyndyq barysynda aldymen ambýlatorlyq emhana júiesin qadaǵalap, olardyń jumysynyń jańa algoritmin jasadyq. Barlyq emhanadaǵy filtr kabinetteriniń jumysyn kúsheittik», - deidi ol.
