ەلوردادا جەلتوقسان ايىنىڭ توعىز كٷنٸندە 558 ادام كوروناۆيرۋس جۇقتىرعان.
بۇل تۋرالى اntikor.live جوباسىندا نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ ايتتى, دەپ حابارلايدى "ۇلت اقپارات".
«قازٸرگٸ تاڭدا قالاداعى ەپيدەميولوگييالىق جاعداي سالىستىرمالى تٷردە العاندا تۇراقتى. دەگەنمەن ينفەكتسييا جۇقتىرعان ناۋقاس سانى كٷن سايىن ارتىپ كەلەدٸ. جەلتوقسان ايىندا تەۋلٸگٸنە كوروناۆيرۋس جۇقتىرۋدىڭ 70 جاڭا جاعدايى تٸركەلٸپ وتىر. ينفەكتسييالىق ستاتسيونارلاردا 174 ناۋقاس كوروناۆيرۋستان ەمدەلٸپ جاتىر. 18 ادام كارانتيندٸك ستاتسيوناردا ەمدەلۋدە. جالپى العاندا 192 ادام ەم الۋدا», - دەيدٸ نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ.
ونىڭ ايتۋىنشا, بيىل جەلتوقسان ايىنىڭ توعىز كٷنٸندە 558 جاڭا كوروناۆيرۋس ينفەكتسييا تٸركەلٸپ وتىر.
«پايىزبەن سالىستىرىپ قاراساق, ستاتسيونارلاردا كوروناۆيرۋسپەن اۋىرىپ جاتقاندار سانى ازايدى. كوروناۆيرۋستىڭ العاشقى تولقىنى كەزٸندە بٸراز قيىنشىلىققا تاپ بولىپ, ناۋقاستاردى ەمدەۋگە مٷمكٸندٸگٸمٸز بولماي قالعان ەدٸ. ەكٸنشٸ تولقىنعا دايىندىق بارىسىندا الدىمەن امبۋلاتورلىق ەمحانا جٷيەسٸن قاداعالاپ, ولاردىڭ جۇمىسىنىڭ جاڭا الگوريتمٸن جاسادىق. بارلىق ەمحاناداعى فيلتر كابينەتتەرٸنٸڭ جۇمىسىن كٷشەيتتٸك», - دەيدٸ ول.
