Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova jaqynda elordada koronavirýstan qaitys bolǵan tórt adamǵa qatysty mán-jaidy aitty, dep habarlaidy "Ult aqparat".
«Sońǵy kúnderi Nur-Sultan qalasynda 4 adam koronavirýstan kóz jumdy. Birinshi jaǵdaidaǵy analiz boiynsha 47 jastaǵy er adam eki apta boiy úiinde ózi emdelgen. Ekinshi jaǵdaida 68 jastaǵy naýqas úiinen birden statsionarǵa jetkizildi. Úshinshi jaǵdaida 70 jastaǵy adam BQO turǵyny ekenin anyqtaldy. Turǵylyqty jeri boiynsha kardiolog dárigerdiń baqylaýynda bolǵan. Ol klinikaǵa jádel járdem brigadasymen jetkizildi. Al tórtinshi jaǵdai 59 jastaǵy er adamǵa qatysty bolyp otyr. Ol Almaty qalasynyń turǵyny ekenin belgili boldy. Naýqas dárigerlerdiń kómegine ózi júgingen», - dedi S. Qisyqova Ortalyq kommýnikatsiialar qyzmetinde.
Onyń sózine qaraǵanda, atalǵan naýqastardyń densaýlyq jaǵdaiynyń nasharlyǵyna bailanysty olar birden jansaqtaý bólimine jatqyzyldy. Ókinishke qarai, atqarylǵan barlyq em-dom sharalary nátije bermedi.
