نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا جاقىندا ەلوردادا كوروناۆيرۋستان قايتىس بولعان تٶرت ادامعا قاتىستى مەن-جايدى ايتتى, دەپ حابارلايدى "ۇلت اقپارات".
«سوڭعى كٷندەرٸ نۇر-سۇلتان قالاسىندا 4 ادام كوروناۆيرۋستان كٶز جۇمدى. بٸرٸنشٸ جاعدايداعى اناليز بويىنشا 47 جاستاعى ەر ادام ەكٸ اپتا بويى ٷيٸندە ٶزٸ ەمدەلگەن. ەكٸنشٸ جاعدايدا 68 جاستاعى ناۋقاس ٷيٸنەن بٸردەن ستاتسيونارعا جەتكٸزٸلدٸ. ٷشٸنشٸ جاعدايدا 70 جاستاعى ادام بقو تۇرعىنى ەكەنٸن انىقتالدى. تۇرعىلىقتى جەرٸ بويىنشا كارديولوگ دەرٸگەردٸڭ باقىلاۋىندا بولعان. ول كلينيكاعا جەدەل جەردەم بريگاداسىمەن جەتكٸزٸلدٸ. ال تٶرتٸنشٸ جاعداي 59 جاستاعى ەر ادامعا قاتىستى بولىپ وتىر. ول الماتى قالاسىنىڭ تۇرعىنى ەكەنٸن بەلگٸلٸ بولدى. ناۋقاس دەرٸگەرلەردٸڭ كٶمەگٸنە ٶزٸ جٷگٸنگەن», - دەدٸ س. قيسىقوۆا ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, اتالعان ناۋقاستاردىڭ دەنساۋلىق جاعدايىنىڭ ناشارلىعىنا بايلانىستى ولار بٸردەن جانساقتاۋ بٶلٸمٸنە جاتقىزىلدى. ٶكٸنٸشكە قاراي, اتقارىلعان بارلىق ەم-دوم شارالارى نەتيجە بەرمەدٸ.
