Elordada koronavirýspen aýyryp jatqanyn jasyratyn turǵyndar kóbeiip barady. Bul týraly Nur-Sultan qalasynyń bas sanitar dárigeri Janna Pirálieva aitty, dep habarlaidy "Ult aqparat".
«Ózdiginen habarlaý jáne úi oshaqtarynda bailanys kezinde naýqastar sanynyń ósýi baiqalady. Bul qala turǵyndarynyń aldyn alý sharalaryn saqtamaitynyn bildiredi. Sońǵy ýaqytta koronavirýs juqtyrý faktilerin jasyrýdyń jáne turǵylyqty jeri men jumys orny boiynsha, sonymen qatar jaqyn bailanysta bolǵandar týraly jalǵan aqparat berýdiń jiileýi baiqalady. Osylaisha, oshaqtardy oqshaýlaý boiynsha epidemiiaǵa qarsy is-sharalardy ýaqytyly júrgizýge qiyndyq týdyryp otyr», - dedi ol.
Osy rette elordanyń bas sanitar dárigeri qala turǵyndary men qonaqtaryn ainalasyndaǵy adamdardyń densaýlyǵyna qamqorlyq tanytýǵa shaqyrdy.
«Ol úshin tek qarapaiym erejelerdi saqtap, meditsinalyq maskany mindetti túrde kiiý qajet. Áleýmettik ara qashyqtyq saqtaýdy, buqaralyq is-sharalar ótkizbeýdi, adamdar kóp jinalatyn jerlerge barmaýdy ótinemin», dedi Janna Pirálieva.
